અણ્ણાનાં ઝભ્ભો, ધોતી અને ટોપી - નવરાત્રિનાં વસ્ત્રોમાં હઝારેની થીમનો ક્રેઝ

Published: 26th September, 2011 20:36 IST

રાજકોટ : નવરાત્રિ આવી રહી છે ત્યારે મુંબઈના ખૈલેયાઓ સમાજસેવક અણ્ણા હઝારેનાં ટૅટૂ કરાવી રહ્યા છે, પણ રાજકોટના ખૈલેયાઓએ અણ્ણા હઝારેના કૉસ્ચ્યુમ જ બનાવી લીધા છે, જેની જોરદાર ડિમાન્ડ નીકળી છે. ટોપી પર હિન્દીમાં અણ્ણા અને ઝભ્ભા પર અંગ્રેજીમાં અણ્ણા લખેલા આ નવરાત્રિ-કૉસ્ચ્યુમ રાજકોટમાં ૫૦૦ રૂપિયાના ભાડે મળી રહ્યા છે.

કુલ ૧૧૧૧ ટિક્કી વાપરીને બનાવવામાં આવેલા આ ડ્રેસમાં વ્ાાઇટ ખાદી પર ભારતીય તિરંગાના ત્રણ રંગની ટિક્કીઓ લગાવવામાં આવી છે. અણ્ણા હઝારેનો જે ક્રેઝ ઊભો થયો છે એ ક્રેઝને ધ્યાનમાં રાખીને આ કૉસ્ચ્યુમ તૈયાર કરનારી ખુશ્બૂ બ્રહ્મભટ્ટે કહ્યું હતું કે અમે આવા ૧૨ ડ્રેસ બનાવ્યા છે, પણ એ બધા ડ્રેસ આખી નવરાત્રિ માટે બુક થઈ ગયા છે. આ ડ્રેસની પડતરકિંમત ૨૫૦૦ રૂપિયા છે.