વાંદરાઓ Covid-19નાં ટેસ્ટ સેમ્પલ લઇને ભાગી ગયા, જુઓ વીડિયો
એવા દર્દીઓનાં સેમ્પલ હતા જેમને Covid-19 હોવાની શંકા હતી.
ભારતમાં કંઇક અજુગતું ન બને એવું શક્ય જ નથી. ઉત્તરપ્રદેશનાં મરેઠમાં વાંદરાઓનાં એક ટોળાએ લેબ ટેક્નિશયન પર હુમલો કર્યો અને Covid-19નાં ત્રણ ટેસ્ટ સેમ્પલ ઝૂંટવીને ભાગી ગયા.
ટાઇમ્સ નાઉના એક રિપોર્ટ અનુસાર મેરઠમાં આ વાંદરાઓએ લેબ ટેક્નિશ્યન પર હુમલો કર્યો જ્યારે તે મેરઠ મેડિકલ કૉલેજનાં પ્રાંગણમાંથી ટેસ્ટ માટે ભેગા કરાયેલા સેમ્પલ લઇને જઇ રહ્યો હતો. આ સેમ્પલ પર ટેસ્ટ કરવાનું હજી બાકી હતું. જો કે ડૉક્ટર્સે દર્દીઓનાં ફ્રેશ સેમ્પલ લઇ લીધા અને હવે તેની પર જરૂરી ટેસ્ટ કરાશે. જો કે આ ઘટનાથી લોકમાં ભય અને હાસ્ય બંન્ને ફરી વળ્યા હતા.
ADVERTISEMENT
In a shocking incident, a monkey snatched blood samples of Covid-19 patients being taken to the LLRM lab. Inquiry set up & the lab technician has been asked to give written explanation about why did he continue to make a video instead of asking for help.#Meerut #Coronavirus pic.twitter.com/N2bCeO2QA2
— Ishita Bhatia (@IshitaBhatiaTOI) May 29, 2020
સોશ્યલ મીડિયા પર ફરી રહેલા વીડિયોમાં આ વાંદરાઓ ટેસ્ટ કિટ્સ ચાવી રહ્યા છે એવું પણ દેખાય છે અને પછી તો આ વીડિયો વાઇરલ થઇ ગયો હતો. મેરઠનાં જિલ્લા મેજિસ્ટ્રેટ અનિલ ઢિંગરાએ કહ્યું કે આ અંગે તપાસ કરવામાં આવશે. જો કે હવે લોકોમાં એવો ડર પેઠો છે કે આ વાંદરાઓ ક્યાં ગયા એ કોઇને ખબર નથી અને એમ બની શકે છે કે તેમને કારણે જે તે વિસ્તારનાં માણસોમાં કોરોનાનો ચેપ ફેલાય. આ ઘટના બે દિવસ પહેલા ઘટી હતી અને પછી વીડિયો વાઇરલ થતાં તેનો રિપોર્ટ થયો હતો. મેરઠ મેડિકલ કૉલેજનાં પ્રિન્સિપાલ એસ કે ગર્ગે કહ્યું કે આ સેમ્પલ કંઇ કોરોનાઇરસ ટેસ્ટ નહોતા પણ એવા દર્દીઓનાં સેમ્પલ હતા જેમને Covid-19 હોવાની શંકા હતી.
હાર્વર્ડ અને બોસ્ટનની મેડિકલ સ્કૂલ અનુસાર વાંદરાને ચેપ લાગે તો તેમને આ વાઇરસ ફેલાતા રોકી શકાય છે પણ જો તે પહેલીવારમાં બચી ગયા હોય તો, કારણકે વાંદરાઓ Covid-19 સામે પ્રતિકારકતા કેળવી લેતા હોય છે.