એમ. જે. અકબરનો પ્રિયા રામાણી વિરુદ્ધનો માનહાનિ કેસ કોર્ટે ફગાવ્યો
એમ. જે. અકબર
લગભગ બે વર્ષ ચાલેલા કેસ પછી દિલ્હી કોર્ટે એમ. જે. અકબરનો પ્રિયા રામાણી વિરુદ્ધ માનહાનિ કેસમાં બુધવાર, ૧૭ ફેબ્રુઆરીએ ચુકાદો આપ્યો છે, જેમાં પત્રકાર રામાણી વિરુદ્ધની અરજીને કોર્ટે ફગાવી દીધી. ઑક્ટોબર, ૨૦૧૮માં રામાણીએ તત્કાલીન કેન્દ્રીય પ્રધાન પર જાતીય સતામણીનો આરોપ લગાવ્યો હતો.
આ બાબતે કોર્ટે કહ્યું કે ‘આપણા સમાજને સમજવાનો સમય આવી ગયો છે કે કેટલીક વાર માનસિક આઘાતને લીધે પીડિત વર્ષો સુધી એ મુદ્દે અવાજ ન પણ ઉઠાવી શકે. જાતીય દુર્વ્યવહાર સામે અવાજ ઉઠાવવા બદલ સ્ત્રીને સજા થઈ શકે નહીં.’
