મેથીની ભાજી સમજી ગાંજાનું શાક ખાનારા છ જણા હૉસ્પિટલ ભેગા

Published: Jul 01, 2020, 14:56 IST | Gujarati Mid-Day Online Correspondent | Kannauj

પોલીસે આવીને તરત જ પરિવારનાં સભ્યોને જિલ્લાની હૉસ્પિટલમાં દાખલ કર્યા અને રાંધેલા શાકને અને નહીં વપરાયેલા ગાંજાને હસ્તગત કર્યો.

પ્રતીકાત્મક તસવીર
પ્રતીકાત્મક તસવીર

ઉત્તર પ્રદેશનાં કનૌજમાં એક કુટુંબ એક સાવ મુર્ખામી ભરેલી ભૂલને કારણે હૉસ્પિટલ ભેગું થઇ ગયું છે. આ પરિવારે મેથીની ભાજી સમજીને જે ભાજી રાંધીને ખાઇ લીધી એ તો ગાંજાના પાન હતા. શનિવારે મિયાગંજ ગામમાં આ ઘટના ઘટી છે. એક શાકભાજી વાળાએ નિતેશ નામના માણસને ગાંજો વેચ્યો અને વેચતી વખતે કહ્યું કે આ મેથી છે. નિતેશને સમજાયું નહીં કે તેને મેથીને નામે ગાંજો અપાયો અને તેણે ઘરે આવીને તેની ભાભી પિંકીને આ ‘ભાજી’ આપી દીધી.

સાંજે ચાર વાગ્યાની આસપાસ પિંકીએ પણ મેથીની ભાજી સમજીને આ ગાંજાના પાંદડા રાંધી નાખ્યા અને પછી ઘરનાં છએ જણાએ  ‘ગાંજાનું શાક ખાધું’. થોડા સમય બાદ આ પરિવારની તબિયત કથળવા માંડી અને તેમણે પાડોશીએને કહ્યુ કે તરત ડૉક્ટરને બોલાવે. ડૉક્ટર આવે તે પહેલા તો આ બધા બેભાન થઇ ગયા અને પાડોશીઓએ પોલીસ બોલાવી. પોલીસે આવીને તરત જ પરિવારનાં સભ્યોને જિલ્લાની હૉસ્પિટલમાં દાખલ કર્યા અને રાંધેલા શાકને અને નહીં વપરાયેલા ગાંજાને હસ્તગત કર્યો. આ તરફ પોલીસે જલદી જ તપાસ કરી અને પેલા શાકભાજી વાળાને શોધી કાઢ્યો. તેણે કહ્યુ કે એણે તો મજાકમાં જ મેથી કહીને ગાંજો વેચ્યો હતો. પોલીસે જાણ કરી છે કે આ વ્યક્તિ સામે ફરિયાદ નોંધાશે અને જરૂરી પગલા લેવાશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK