આ ચૂંટણી દેશ સમક્ષ દાખલો બેસાડશે : મોદી

Published: 18th December, 2012 03:26 IST

ગુજરાતના મુખ્ય પ્રધાન નરેન્દ્ર મોદીએ ગઈ કાલે વિશ્વાસ વ્યક્ત કરતાં કહ્યું હતું કે ‘જેટલું ઉત્તમ મતદાન થયું છે તેટલો બીજેપીનો ભવ્ય વિજય હું જોઈ રહ્યો છું.

આ ચૂંટણીમાં ગુજરાતની જનતા હૅટ-ટ્રિક લગાવશે અને બીજેપીને વિજયી બનાવશે.’ નરેન્દ્ર મોદીએ ગુજરાતના મતદારોનો આભાર માન્યો હતો અને કહ્યું હતું કે આ ચૂંટણી દેશ સમક્ષ દાખલો બેસાડશે.

મોદીએ ગઈ કાલે અમદાવાદના રાણીપ વિસ્તારમાં મતદાન મથકમાં જઈને મતદાન કર્યું હતું. મોદી જ્યારે મતદાન કરવા આવ્યા ત્યારે હજ્જારોની સંખ્યામાં બીજેપીના કાર્યકરો અને નાગરિકોની ભારે ભીડ જામી હતી અને તેમની સાથે હાથ મિલાવવા લોકોએ પડાપડી કરી હતી.

નરેન્દ્ર મોદીએ કહ્યું હતું કે ‘આ વખતની ચૂંટણી ગુજરાતની માતાઓ, બહેનો, યુવાનો અને સમાજના તમામ વર્ગોએ પોતાના ખભા ઉપર ઉપાડી લીધી છે.’ આ ચૂંટણીમાં ગુજરાતની જનતા હૅટ-ટ્રિક લગાવશે એવો વિશ્વાસ વ્યક્ત કરતાં તેમણે કહ્યું હતું કે ‘વધુ મતદાન અને જનતા જનાર્દનનો મિજાજ બતાવે છે કે આ ચૂંટણીમાં બીજેપી સતત ત્રીજી વખત જીતીને હૅટ-ટ્રિક નોંધાવશે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK