શાસનનું અગિયારમું વર્ષ શરૂ થતાં પહેલાં મોદીએ શાની લહાણી કરી?

Published: 7th October, 2011 20:25 IST

ગુજરાતના મુખ્ય પ્રધાન બન્યા એને દસ વર્ષ પૂરાં કરીને આજે અગિયારમા વર્ષમાં પ્રવેશ કરી રહેલા નરેન્દ્ર મોદીએ ગઈ કાલે ગુજરાતના સરકારી કર્મચારીઓને ધ્યાનમાં રાખીને બે જાહેરાત કરી હતી, જેને કારણે ગુજરાતના ૧૫ લાખથી વધુ કર્મચારીઓ ખુશ થઈ ગયા હતા.

 

ગુજરાતના મુખ્ય પ્રધાન નરેન્દ્ર મોદીએ ગઈ કાલે મોડી સાંજે બે એવી જાહેરાત કરી જેને કારણે સરકારી કર્મચારીઓ રાજીના રેડ થઈ ગયા

મોદીએ કરેલી આ જાહેરાત પૈકીની પહેલી જાહેરાત સ્થાયી નોકરી ધરાવતા સરકારી કર્મચારીઓને સ્પર્શતી હતી. નરેન્દ્ર મોદીએ જાહેર કર્યું હતું કે ગુજરાતના ૮ લાખ સરકારી કર્મચારીઓને પગારવધારા અને અન્ય ભથ્થાં પેટે ૨૨૫૦ કરોડ રૂપિયાનું પૅકેજ આપવામાં આવશે. નરેન્દ્ર મોદીએ બીજી જાહેરાત એ કરી હતી કે અસ્થાયી રીતે નોકરી કરતા અને વર્ષે એક લાખથી ઓછો પગાર ધરાવતા સાત લાખ જેટલા કર્મચારીઓનો પગાર પંદરથી પાંચ હજારની રકમ સુધી વધારવામાં આવશે અને આ કર્મચારીઓમાંથી ૩૦ ટકા કર્મચારીઓને તેમની કાર્યદક્ષતાના આધારે કાયમી કરવામાં આવશે.

સરકારી કર્મચારીઓને ખુશ કરવાની સાથોસાથ મોદીએ યુવાનોને ધ્યાનમાં રાખીને એવી જાહેરાત પણ કરી હતી કે નવા નાણાકીય વર્ષ પહેલાં સરકાર યુવાનો માટે ૫૦,૦૦૦ નવી જૉબ તૈયાર કરશે અને એ માટે ભરતી પણ આ જ નાણાકીય વર્ષ દરમ્યાન કરવામાં આવશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK