PM ઝાડુ મારવા રસ્તા પર ઊતરી પડે એટલા સસ્તા હોય? : રાણે

Published: 6th October, 2014 02:55 IST

મહારાષ્ટ્ર વિધાનસભાની ચૂંટણીના પ્રચારયુદ્ધમાં કૉન્ગ્રેસના સિનિયર નેતા નારાયણ રાણેએ પ્રાઇમ મિનિસ્ટર નરેન્દ્ર મોદી પર પ્રહાર કરતાં તેમના સ્વચ્છ ભારત મિશનને એક ડ્રામા ગણાવ્યો હતો.



કૉન્ગ્રેસની ચૂંટણીપ્રચાર સમિતિના પ્રમુખ રાણેએ કહ્યું હતું કે ‘પ્રાઇમ મિનિસ્ટરે ક્યાં જવું, શું કરવું, કેવી રીતે કરવું એના નિયમો છે અને દેશના પહેલા પ્રાઇમ મિનિસ્ટર જવાહરલાલ નેહરુથી લઈને અત્યાર સુધીના તમામ પ્રાઇમ મિનિસ્ટરોએ એનું પાલન કર્યું હતું. BJPના પ્રાઇમ મિનિસ્ટર રસ્તા પર ઝાડુ લઈને ઊતરી પડ્યા હતા એ ચોંકાવનારું છે. ભારતના પ્રાઇમ મિનિસ્ટર આટલા સસ્તા ક્યારેય નહોતા. ખરેખર તો BJP અને પ્રાઇમ મિનિસ્ટરનું આ નાટક જ છે.’

BJP માર્કેટિંગમાં માસ્ટરી ધરાવે છે એવો ટોણો મારતાં રાણેએ કહ્યું હતું કે જોરદાર માર્કેટિંગ કરીને BJPએ કેન્દ્રમાં સત્તા હાથ કરી છે, પરંતુ આવા પ્રચાર માટે કરોડો રૂપિયા ક્યાંથી આવ્યા એનો હિસાબ આપે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK