નાલાસોપારામાં પ્રવાસીઓને ત્રાસ બૂટપૉલિશવાળાઓનો

Published: 18th October, 2012 06:36 IST

નાલાસોપારાના પ્લૅટફૉર્મ પર સવારથી લઈને રાત સુધી કોઈ પણ સમયે જઈએ એટલે ભારે ભીડ જોવા મળે છે. એમાં વળી પ્લૅટફૉર્મ પર બૂટપૉલિશવાળાઓ આરામથી બેસીને તેમનો ધંધો કરતા હોય છે, પણ એના કારણે પ્રવાસીઓને ચાલવામાં અને ટ્રેનમાંથી ઊતરવામાં ત્રાસ વેઠવો પડી રહ્યો છે.



નાલાસોપારાના પ્લૅટફૉર્મ પર એક તો હંમેશાં ભીડ જોવા મળે છે. આવા ભીડવાળા પ્લૅટફૉર્મ પર ક્યારેક ભાજીવાળા બેઠેલા જોવા મળે તો ક્યારેક ફળ વેચવાવાળા, પણ પ્લૅટફૉર્મ નંબર-૧ પર બેસતા પૉલિશવાળાઓ તો છેલ્લા ઘણા વખતથી આખા પ્લૅટફૉર્મ પર કબજો જમાવીને બેઠા હોય એવું લાગે છે. આખા પ્લૅટફૉર્મ નંબર-૧ પર પૉલિશવાળાઓ બેસતા હોવાથી મહિલાઓને ભીડમાંથી ચાલવું અઘરું બની જાય છે.

આ હેરાનગતિથી કંટાળેલાં મહિલા પ્રવાસી અને નાલાસોપારાના તુલીંજ રોડ પર રહેતાં ગીતા ચૌહાણે મિડ-ડે LOCALને કહ્યું હતું કે ‘હું સર્વિસ માટે અંધેરી જાઉં છું. નાલાસોપારા સ્ટેશન એ એક એવું સ્ટેશન છે, જ્યાં વિરારની ટ્રેનો અર્ધાથી વધારે ખાલી થઈ જાય છે, જેથી કોઈ પણ સમયે જઈએ તો પ્રવાસીઓની ભારે ભીડ જોવા મળતી હોય છે. આવી ભીડમાં પ્લૅટફૉર્મ પર આ પૉલિશવાળાઓએ તો ભારે હેરાન કર્યા છે. આ પૉલિશવાળા પ્લૅટફૉર્મ પર ટ્રેન ઊભી રહે એનાથી થોડે જ દૂર બેઠા હોય છે. લોકો તેમની પાસે ઊભા રહીને બૂટને પૉલિશ કરાવતા હોવાથી મહિલાઓને પ્લૅટફૉર્મ પરથી ચાલવું પણ ભારે પડી જાય છે. એમાં કોઈ પુરુષ પ્રવાસીઓ સારો ન હોય તો તે જ્યાં-ત્યાં હાથ મારતા ચાલતા હોય છે, તેથી પ્લૅટફૉર્મ પર ખૂબ સંભાળીને ચાલવું પડે છે. રેલવેએ આ પૉલિશવાળાઓ સામે કંઈ કરવું જ જોઈએ. આ ત્રાસના કારણે મહિલાઓ અને સિનિયર સિટિઝનને ભારે પ્રૉબ્લમ થઈ રહ્યા છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK