એસટી બસની બારીમાં લટકીને વિદ્યાર્થીઓ કરે છે મુસાફરી, જુઓ વીડિયો
Image Courtesy: Naresh Parmar Twitter
ગુજરાત સ્ટેટ રોડ ટ્રાન્સપોર્ટ કોર્પોરેશન એટલે કે એસટી બસનું સૂત્ર છે 'સલમાત સવારી, એસટી અમારી.' પરંતુ બસના ડ્રાઈવર-કંડક્ટરો માટે જાણે સૂત્ર બસ પર લખવા માટે જ બન્યું છે. એસટી બસના સ્ટાફને મુસાફરોની કોઈ ચિંતા ન હોય તેવું લાગી રહ્યું છે. તાજેતરમાં જ સોશિયલ મીડિયા પર એક વીડિયો વાઈરલ થયો છે, જેમાં કેટલાક છોકરાઓ બસની બારીમાં લટકીને મુસાફરી કરતા હોવાનું દેખાઈ રહ્યું છે. આ વીડિયોના બેકગ્રાઉન્ડમાં લોકોના હસવાનો અવાજ સંભળાઈ રહ્યો છે.
વીડિયોમાં દેખાય છે કે એસટી બસ આખી ભરેલી છે, અને સંખ્યાબંધ વિદ્યાર્થીઓ તેમાં ચડવા પ્રયત્ન કરી રહ્યા છે. જગ્યા ન મળતા કેટલાક વિદ્યાર્થીઓ દરવાજે બહાર લટકે છે. તો એક વિદ્યાર્થી છેક બારી પકડીને લટકી જાય છે. આ 49 સેકન્ડના વીડિયોમાં વિદ્યાર્થીઓની જોખમી મુસાફરી દેખાઈ રહી છે.
ADVERTISEMENT
તમે જ જોઈ લો વીડિયો
खेडा
— Naresh Parmar (@nareshsinh_007) September 22, 2019
मौत की सवारी करने को मजबूर है पलाना आईटीआई के छात्र।
पलाना तक आने जाने के लिए मर्यादित ट्रासंपोर्ट सेवा होने से मौत की सवारी करने को मजबूर है छात्र।
वीडियो वायरल होने के बाद ड्रायवर और कंडक्टर को निलंबित किया गया।@vijayrupanibjp @rcfalduofficial @PradipsinhGuj pic.twitter.com/grOBhrcxJ5
આ વીડિયો નડિયાદનો હોવાનું ખુલાસો થયો છે. મળતી માહિતી પ્રમાણે બસમાં જગ્યા ન હોવા છતાંય ડ્રાઈવરે બસ ઉભી રાખી હતી. અને વિદ્યાર્થીઓ તેમાં ચડ્યા પણ ખરા. પલાણા ITIથી નડિયાદ એમ બે કિલોમીટરના રૂટ પર વિદ્યાર્થીઓ બસના દરવાજે લટકતા રહ્યા.
આ પણ વાંચોઃ પાળેલો ઉંદર છોકરીનું હોમવર્ક ચાવી ગયો
આ વીડિયો વાઈરલ થયા બાદ એસટી તંત્ર હરકતમાં આવ્યું છે. એસટી બસના ડ્રાઈવર અને કંડક્ટરની દલી દેવાઈ છે. ડ્રાઈવરની ખંભાત અને કંડક્ટરની બાલાસિનોર બદલી થઇ છે. નડિયાદ ડેપોની બસ નંબર GJ-18-Y-5214માં વિદ્યાર્થીઓ જીવના જોખમે મુસાફરી કરી રહ્યાં હતા.
