પનવેલ સ્ટેશનના વન રૂપી ક્લિનિકમાં મહિલાએ બાળકીને જન્મ આપ્યો
મનીષા કાળે
પનવેલ રેલવે સ્ટેશન પર ગઈ કાલે વન રૂપી ક્લિનિકમાં ૧૮ વર્ષની મહિલાએ બાળકીને જન્મ આપ્યો હતો એવું રેલવેના એક અધિકારીએ જણાવ્યું હતું. રાજ્યમાં વન રૂપી ક્લિનિકમાં કોઈ માતાએ શિશુને જન્મ આપ્યો હોય એવો ૧૧મો કેસ છે.
ADVERTISEMENT
મહિલા ઉતારુનું નામ મનીષા કાળે હતું અને તે હાર્બર લાઇનમાં નેરુલથી પનવેલ જઈ રહી હતી. વન રૂપી ક્લિનિકના સીઈઓ ડૉ. રાહુલ ઘુળેએ જણાવ્યું હતું કે ‘મનીષા કાળેને અચાનક પ્રસૂતિની પીડા ઊપડી હતી. અમારા પનવેલ સેન્ટરના રાતના ફરજ બજાવતા ડૉ. વિશાલ ગોટેને સ્ટેશન મૅનેજરનો ફોન આવ્યો હતો અને તેને વન રૂપી ક્લિનિકમાં લાવવામાં આવી હતી.
Maharashtra: A woman, travelling from Nerul to Panvel, gave birth to a child at Panvel railway station earlier this morning, with the help of a doctor of Railway's One Rupee Clinic and the railway staff. The mother and the child are healthy and have been shifted to a hospital. pic.twitter.com/8v0cTTypbb
— ANI (@ANI) November 21, 2019
મનીષા કાળેએ બાળકીને જન્મ આપ્યો હતો અને બન્નેની તબિયત સ્વસ્થ છે.’
આ પણ વાંચો : ટ્રાફિક રૂલ્સ તોડનારાઓ પાસેથી 577 કરોડનો દંડ વસૂલાયો
માતા અને બાળકી બન્નેની તબિયત સ્વસ્થ છે અને બન્નેને વધુ સારવાર માટે સરકારી હૉસ્પિટલમાં શિફ્ટ કરવામાં આવ્યાં હતાં એવું ઘુળેએ વધુમાં જણાવ્યું હતું. ‘અમારા વન રૂપી ક્લિનિકના સ્ટાફે ઉતારુની સોનેરી પળની સારવાર બખૂબી નિભાવી એના માટે મને ગર્વ છે’ એવું ઘુળેએ વધુમાં જણાવ્યું હતું.