Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > મુંબઈ : પોલીસ-સ્ટેશનનું ભાડું 29 વર્ષથી ચૂકવાયું નથી

મુંબઈ : પોલીસ-સ્ટેશનનું ભાડું 29 વર્ષથી ચૂકવાયું નથી

09 October, 2020 07:31 AM IST | Mumbai
Diwakar Sharma

મુંબઈ : પોલીસ-સ્ટેશનનું ભાડું 29 વર્ષથી ચૂકવાયું નથી

માણિકપુર પોલીસ-સ્ટેશન

માણિકપુર પોલીસ-સ્ટેશન


વસઈના એક બિઝનેસમૅનને તેના ભાડૂત પરેશાન કરે છે. એ બિઝનેસમૅન નંદકુમાર કનૈયાલાલ જૈન છે અને ભાડૂત છે વસઈ પોલીસ-સ્ટેશન. વસઈ-વેસ્ટની મોતી નિવાસ કો-ઑપરેટિવ હાઉસિંગ સોસાયટીમાં નંદકુમાર જૈનની જગ્યામાં ૧૯૯૧થી ભાડા પર માણિકપુર પોલીસ-સ્ટેશન ચાલે છે. નંદકુમાર જૈનની એવી ફરિયાદ છે કે માણિકપુર પોલીસ-સ્ટેશન માટે ૧૯૯૧થી ભાડું ચૂકવાયું નથી.

નંદકુમાર જૈનનું કહેવું છે કે ૧૯૯૧માં ફક્ત ૬ મહિના માટે તેમની જગ્યા પોલીસ-સ્ટેશન માટે વાપરવાની મૌખિક સમજૂતી કરવામાં આવી હતી, પરંતુ છ મહિના વીતી ગયા પછી પણ તેમની જગ્યાનો માણિકપુર પોલીસ-સ્ટેશન માટે વપરાશ ચાલુ રાખવામાં આવ્યો અને એનું ભાડું પણ ચૂકવાતું નહોતું. ૨૯ વર્ષમાં મંત્રાલય અને પોલીસ ડિપાર્ટમેન્ટને ઘણા પત્રો લખ્યા છતાં એની કોઈ અસર થઈ નથી. જૈનની માલિકીની ૬ દુકાનોની કુલ ૩૦૦૦ ચોરસ ફુટની જગ્યામાં પોલીસ-સ્ટેશન ચાલે છે અને આજના દર પ્રમાણે તેમને એ જગ્યાનું માસિક ભાડું ૩૦,૦૦૦ રૂપિયા મળે એવો અંદાજ રાખવામાં આવે છે.



૧૯૯૧માં મહારાષ્ટ્ર પોલીસના એસ્ટૅબ્લિશમેન્ટ ડિપાર્ટમેન્ટના ઇન્સ્પેક્ટર એસ. આર. શિંદે તથા એક સ્થાનિક રાજકારણીના આગ્રહને પગલે નંદકુમારના પિતા કનૈયાલાલે એ જગ્યા ભાડે આપવા સંમત થયા, પરંતુ ૬ મહિનામાં એ જગ્યા ખાલી કરવાને બદલે ૧૯૯૨માં પોલીસ-સ્ટેશનનું વિધિવત્ ઉદ્ઘાટન કરવામાં આવ્યું હતું. હાલમાં સોસાયટીના બગીચામાં પોલીસે જપ્ત કરેલાં વાહનો રાખવામાં આવે છે. નંદકુમારને જગ્યા પછી જોઈતી હતી, પરંતુ તેમને જગ્યા કે ભાડું કાંઈ ન મળ્યું. તેમના પરિવાર-સંતાનો માટે એ દુકાનો પાછી જોઈએ છે.


આ સમસ્યા બાબતે મીરા ભાઈંદર-વસઈ વિરાર પોલીસના ઍડિશનલ કમિશનર એસ. જયકુમારે જણાવ્યું કે ‘માણિકપુર પોલીસ-સ્ટેશન ભાડાની જગ્યામાં ચાલે છે એ સાચી વાત છે. એ જગ્યાની કાનૂની સ્થિતિ તપાસીને વહેલી તકે સમસ્યાનો ઉકેલ લાવવાની યોગ્ય કાર્યવાહી કરીશું.’


Whatsapp-channel Whatsapp-channel

09 October, 2020 07:31 AM IST | Mumbai | Diwakar Sharma

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK