મુંબઈની આ ટ્રાવેલ કંપની હોલિડે પેકેજમાં કોવિડ વૅક્સિનનું પ્રોમિસ કરે છે
પ્રતિકાત્મક તસવીર
મુંબઈ સ્થિત એક ટ્રાવેલ કંપની પ્રવાસીઓને ઑફર કરી રહી છે કે રૂ.1.75 લાખમાં ચાર દિવસ યુનાઈટેડ સ્ટેટ્સમાં ફરવાની સાથે કોવિડ-19ની વેક્સિન પણ મળશે. ત્રણ દિવસ અને ચાર રાતનું આ મુંબઈથી ન્યુ યોર્ક અને રિટર્ન પેકેજ છે. ખર્ચમાં પ્લેનની ટિકીટનું ભાડુ, હૉટેલમાં રહેવાનુ અને નાસ્તો તેમ જ કોવિડ વેક્સિનના એક ડોઝનો પણ સમાવેશ છે.
Say hello to “vaccine tourism”. @itsdeepakjain pic.twitter.com/wCV4hBWRMf
— Radhika Gupta (@iRadhikaGupta) November 23, 2020
ADVERTISEMENT
એડલવિસ મ્યુચ્યુઅલ ફંડ્સની સીઈઓ રાધિકા ગુપ્તાએ ટ્વીટરમાં એક વોટ્સએપ મેસેજનો સ્ક્રિનશોટ પાડીને શૅર કર્યો હતો. આ મેસેજમાં કંપની ડિસેમ્બર મહિનાની યુએસ ટૂર પેકેજ ઑફર કરી રહી છે જેમાં અમેરિકાના બજારમાં ટૂંક સમયમાં આવનારી ફાઈઝર વેક્સિન પણ પ્રવાસીઓને ઑફર કરી રહી છે. અમેરિકામાં આ વેક્સિન 11 ડિસેમ્બરથી અધિકૃતપણે વેચાશે અને શરૂઆતમાં અમૂક વીવીઆઈપી ગ્રાહકોને આપવામાં આવશે, એમ પણ આ મેસેજમાં જણાવવામાં આવ્યું છે.
આ પણ વાચોઃ દેશમાં છેલ્લા 24 કલાકમાં કોરોનાને લીધે 524 લોકોએ જીવ ગુમાવ્યા
ટાઈમ્સ ઑફ ઈન્ડિયાના રિપોર્ટ મુજબ, મેસેજમાં જણાવવામાં આવ્યું છે કે અમે વેકસિન પર્યટન વિકસાવી રહ્યા છે. અમારી પાસે કોઈ વેક્સિન નથી કે અમે પ્રાપ્ત પણ કરવાના નથી. અમેરિકાના કાયદા મુજબ વેક્સિનની વ્યવસ્થા થશે. અત્યારે કઈ પણ કહી શકાય નહીં. અમે કોઈ એડવાન્સ કે ડિપોઝીટ સ્વિકારી રહ્યા નથી. અમને ફક્ત તમારુ રજીસ્ટ્રેશન જોઈએ છે. ત્યારબાદ આરોગ્ય વિભાગના હિસાબે અધિકૃત પરવાનગી લઈને બાકીની પ્રક્રિયા કરવામાં આવશે.
