મુંબઈ મહાનગરપાલિકા જાહેર જગ્યાઓએ માસ્ક પહેર્યા વગર રોડ પર ફરતા લોકો પાસેથી ૨૦૦ રૂપિયા દંડ વસૂલ કરી રહી છે. જોકે ઝવેરીબજાર કે મુમ્બાદેવી મંદિરની આસપાસના વિસ્તારોમાં મહાનગરપાલિકાના કર્મચારીઓ અને પોલીસ જ આ વિસ્તારમાં માસ્ક વગર કે દેખાવ પૂરતો જ માસ્ક પહેરીને ફરે છે, પણ મહાનગરપાલિકાના અધિકારીઓ અને દંડ વસૂલ કરી રહેલા કર્મચારીઓ કાયદાનું ખુલ્લેઆમ ઉલ્લંઘન કરતા હોવા છતાં તેઓ સામે આંખ આડા કાન કાન કરવામાં આવે છે એવી ફરિયાદ સ્થાનિક રહેવાસીઓ અને વેપારીઓ કરી રહ્યા છે. કાયદાના રક્ષકો જ કાયદાનું ઉલ્લંઘન કરતા નજરે પડતા હોવાથી રહેવાસીઓમાં અને વેપારીઓમાં રોષ ફેલાયો છે. તેઓ કહે છે કે અમારી હાલત પાણીમાં રહીને મગરમચ્છ સાથે વેર બાંધવા જેવી થઈ છે.
આ બાબતે માહિતી આપતાં ઝવેરીબજાર પાસે ઇમિટેશન જ્વેલરીનો બિઝનેસ કરતા આશિષ ગાંધીએ ‘મિડ-ડે’ને કહ્યું હતું કે મહારાષ્ટ્રમાં કોવિડની સેકન્ડ વેવ આવી શકે છે એવી જોરદાર અફવા છે. એ જ સમયમાં અમારી આસપાસના વિસ્તારોમાં મહાનગરપાલિકાએ માસ્ક વગર ફરતા રાહદારીઓ અને દુકાનમાં માસ્ક વગર બિઝનેસ કરી રહેલા દુકાનદારો પાસેથી ૨૦૦ રૂપિયાનો દંડ વસૂલ કરી રહી છે. કોઈ વ્યક્તિએ માસ્ક બરાબર પહેર્યો ન હોય તો તેના પર પણ કાર્યવાહી કરવામાં આવે છે. સૌથી નવાઈની વાત તો એ છે કે આ વિસ્તારોમાં જ પાલિકાના કર્મચારીઓ અને અધિકારીઓ તેમ જ પોલીસ બિન્દાસ માસ્ક વગર ડ્યુટી કરે છે તેમની સામે કોઈ દંડ વસૂલ કરવામાં આવતો નથી. અમે તો આ બાબતે ફરિયાદ કરવા જઈશું તો એ લોકો અમને હેરાન કરશે એવો વેપારીઓને ભય લાગે છે.’
મહાનગરપાલિકાના ‘સી’ વૉર્ડના એસડબ્લ્યુએમ વિભાગના અસિસ્ટન્ટ એન્જિનિયર સંજય ગવળીએ લોકોની ફરિયાદની સ્પષ્ટતા કરતાં ‘મિડ-ડે’ને કહ્યું હતું કે જ્યારથી કોવિડના સમયમાં માસ્ક વગર ફરતી વ્યક્તિઓ પાસેથી દંડ ફટકારવાનો કાયદો આવ્યો છે ત્યારથી અત્યાર સુધીમાં અમે શુક્રવાર સુધીમાં ૧૪,૭૫૦ લોકો પાસેથી ૩૩,૩૭,૯૦૦ રૂપિયા વસૂલ કર્યા છે. આ આંકડો વસૂલ કરવામાં અમે એટલે સફળ થયા છીએ, કારણ કે અમારા કર્મચારીઓ અને પોલીસ કાયદાનું પાલન કરે છે. નહીંતર અમારી ઑફિસમાં રોજ પબ્લિક અમારા કર્મચારીઓ અને પોલીસને પકડીને લઈ આવતી હોત કે તમારા પાલિકાના કર્મચારીઓ અને પોલીસ જ કાયદાનું પાલન કરતી નથી અને અમારી પાસેથી દંડ વસૂલ કરે છે. આજ સુધી એવી કોઈ ફરિયાદ અમારી પાસે આવી નથી.’
ટ્રાફિકનો દંડ નહીં ભર્યો હોય તો લાઇસન્સ ગુમાવવું પડશે
21st January, 2021 09:44 ISTલોકલ શરૂ કરવા રેલવે રેડી, પણ સરકારના ગ્રીન સિગ્નલની રાહ
21st January, 2021 09:39 ISTલાઇટ બિલ ભરવાના અલ્ટિમેટમની ખિલાફ લોકો લડી લેવાના મૂડમાં
21st January, 2021 09:35 ISTઅબુ ધાબીમાં ૩.૨ કરોડ સોલાર પેનલ સાથે સૌથી મોટો સિંગલ-સાઇટ સોલાર પ્લાન્ટ
21st January, 2021 09:19 IST