ન્યુ યૉર્કથી મુંબઈ ૯૫ મિનિટમાં પહોંચાડશે હાઇપરસોનિક પ્લેન
અમેરિકાની એક કંપનીએ વિશ્વનું સૌથી વધુ ઝડપે ઊડી શકતું હાઇપરસોનિક પ્લેન તૈયાર કર્યું છે. આ પ્લેન ૪૦૦૦ કિલોમીટર પ્રતિ કલાકની સ્પીડ ધરાવે છે એટલે કે એ ન્યુ યૉર્કથી મુંબઈનું અંતર માત્ર ૯૫ મિનિટમાં કાપી શકે છે. રૉકેટના એન્જિન બનાવવામાં એક્સપર્ટ એવી એક્સસીઓઆર ઍરોસ્પેસ નામની આ કંપનીનો દાવો છે કે આ હાઇપરસોનિક પ્લેન કૉન્ર્કોડ કરતાં બમણી સ્પીડ ધરાવે છે. સુપરસોનિક કૉન્ર્કોડ પ્લેન ૨૨૦૦ કિલોમીટર પ્રતિ કલાકની સ્પીડ ધરાવે છે. આ હાઇપરસોનિક પ્લેન વિશ્વનું સૌથી તેજ વિમાન છે.
કંપની જોકે હજી આ વિમાનની ડિઝાઇન અને એન્જિનને ડેવલપ કરી રહી છે, પણ એનો એક નમૂનો હાલમાં જ જાહેર કરવામાં આવ્યો હતો. કંપનીનું કહેવું છે કે ટેસ્ટ સફળ થયા પછી થોડાં વર્ષોમાં એનું માર્કેટિંગ શરૂ કરવામાં આવશે. હાલના તબક્કે કંપનીએ માત્ર બે સીટ ધરાવતું પ્લેન બનાવ્યું છે જે કોઈ પણ સામાન્ય ઍરર્પોટ પર ટેક-ઑફ અને લૅન્ડ કરી શકે છે તથા એક દિવસમાં વધુમાં વધુ ચાર વખત ઊડી શકે છે.
ADVERTISEMENT
