સુમન નગર, બરફીવાલા ફલાયઓવર જાન્યુઆરીથી ખુલ્લા મૂકવામાં આવશે

કલાકોના કલાકો સુધી પીક-અવર્સ દરમ્યાન અહીં ટ્રાફિક જૅમ રહે છે. એમએમઆરડીએ (મુંબઈ મેટ્રોપૉલિટન રીજન ડેવલપમેન્ટ ઑથોરિટી)ના જૉઇન્ટ પ્રોજેક્ટ ડિરેકટર દિલીપ કવઠકરે ‘મિડ-ડે’ સાથે વાતચીતમાં જણાવ્યું હતું કે ‘ચોમાસું પૂર્ણ થતાં જ  સુમન નગર ફ્લાયઓવરના કામને ફાઇનલ ટચ આપવાનું કામ શરૂ કર્યું છે, જે ડિસેમ્બરમાં પૂર્ણ થતાં જ જાન્યુઆરી મહિનામાં વાહનચાલકો માટે ખુલ્લો મૂકવામાં આવશે. જ્યારે આ તરફ જૂન મહિનામાં લાલબાગ તથા બરફીવાલા ફ્લાયઓવરને જોડતા બ્રિજને શરૂ કર્યાનાં બે સપ્તાહમાં ખાડા પડતાં એમએમઆરડીએએ ભારે ટીકાનો સામનો કરવો પડ્યો હતો. એથી જ આ વખતે એમએમઆરડીએ કોઈ ઉતાવળ કરવા નથી માગતી.’