ટેરર અટૅકની ચોથી વરસી પછીયે સી-લિન્ક પર સુરક્ષાનો અભાવ

Published: 26th November, 2012 05:40 IST

આજે ૨૬ નવેમ્બરે મુંબઈમાં આતંકવાદી હુમલો થયો એને ચાર વર્ષ પૂરાં થયાં છે. એમ છતાં બાંદરા-વરલી સી-લિન્કની સુરક્ષા માટે સીસીટીવી કૅમેરા સિવાય વિસ્ફોટક ચકાસતાં સ્કૅનરો હજી સુધી લગાવવામાં નથી આવ્યાં.

મહારાષ્ટ્ર સ્ટેટ રોડ ડેવલપમેન્ટ કૉપોર્રેશન (એમએસઆરડીસી)ના અધિકારીએ નામ ન આપવાની શરતે કહ્યું હતું કે ‘સી-લિન્કને આતંકવાદી હુમલાથી બચાવવા લગભગ ૫૦ કરોડ રૂપિયાની સિક્યૉરિટી માટેના પ્રસ્તાવવાળા બે લેટર ૨૦૦૯ના જૂન મહિનામાં મુંબઈના પોલીસ-કમિશનર ડી. શિવાનંદને એમએસઆરડીસીને મોકલ્યા હતા, પણ બાંદરા-વરલી સી-લિન્ક પર વિસ્ફોટક સ્કૅનર ક્યારે બેસાડવું એ નક્કી નથી થયું. ઑગસ્ટમાં થયેલી મીટિંગમાં બાંદરા-વરલી સી-લિન્ક પર સુરક્ષાનાં ઉપકરણોમાં વિસ્ફોટક સ્કૅનર પણ બેસાડવાની ચર્ચા કરવામાં આવી હતી. એ બાબતે વહેલી તકે નિર્ણય લેવાનું નક્કી કરવામાં આવ્યું હતું તથા સી-લિન્ક પર સીસીટીવી કૅમેરા બેસાડવાનો પ્રસ્તાવ પણ પાસ કરવામાં આવ્યો હતો. એક રીતે જોઈએ તો આખા સી-લિન્ક પર સીસીટીવી કૅમેરા બેસાડવાની જરૂર છે.’

એમએસઆરડીસીને મોકલેલા બે લેટરમાં પોલીસ-કમિશનરે ૧૬૩૪ કરોડ રૂપિયાના સી-લિન્ક બ્રિજની સુરક્ષાનાં ઉપકરણોનો ઉલ્લેખ કયોર્ હતો. પહેલા લેટરમાં ૩.૭૦ કરોડ રૂપિયાની હાવ્-ટેક સિસ્ટમ અને બીજા લેટરમાં ૪૫ કરોડ રૂપિયાનાં સિક્યૉરિટી ઉપકરણોનો ઉલ્લેખ કરવામાં આવ્યો હતો. અધિકારીએ કહ્યું હતું કે ‘વાહનોની તપાસ કરવા માટે આ સ્કૅનર ઘણું ફાયદાકારક છે, પરંતુ આ સ્કૅનર-પ્રક્રિયામાં ઘણો સમય લાગી જાય છે અને સ્કૅનિંગ કરતાં પહેલાં ગાડીમાંના પૅસેન્જરોને ગાડીમાંથી ઉતારવા પડે છે.’

તમને ખબર છે?

૪.૭ કિલોમીટર લાંબા બાંદરા-વરલી સી-લિન્ક પર હાલમાં ફક્ત ૬ સીસીટીવી કૅમેરા બેસાડવામાં આવ્યા છે. આ કૅમેરાનું નિયંત્રણ શહેરની ટ્રાફિક-પોલીસ દ્વારા કરવામાં આવે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK