મુંબઈ: કૉમેડિયન કુણાલ કામરાના સમર્થનમાં ટ્વિટર પર પરોડીની ભરમાર
અર્નબ ગોસ્વામી અને કુણાલ કામરા
કુણાલ કામરા – અર્નબ ગોસ્વામીના પ્રકરણ બાદ મુંબઈ સ્થિત સ્ટૅન્ડ-અપ કૉમેડિયનના સમર્થનમાં ટ્વિટર પર સેંકડો પરોડી અકાઉન્ટ્સ ફૂટી નીકળ્યાં છે. આ પરોડી અકાઉન્ટ્સ તેમની આગવી શૈલીમાં યુઝર્સને મનોરંજન મળી રહે એ રીતે કામરાનું સમર્થન કરે છે.
૨૯ જાન્યુઆરીએ ઇન્ડિગો તથા અન્ય ત્રણ ઍરલાઇન્સે કામરા પર પ્રતિબંધ મૂક્યો એને પગલે ટ્વિટર હેન્ડલ @MrSledgeHammerએ કામરાનો વિડિયો રિટ્વીટ કરવા સાથે લખ્યું હતું, ‘ઇન્ડિગો ફ્લાઇટમાં તાજેતરમાં બનેલી ઘટના પર પ્રકાશ પાડતાં અમે એ જણાવવા માગીએ છીએ કે ‘અમારા યુનિયને કુણાલ કામરાને અમારી ટ્રાઇસિકલ પર સવારી કરવા પર છ મહિનાનો પ્રતિબંધ ફરમાવ્યો છે સાથે જ અમે તેમની સમક્ષ ટ્રાઇસિકલ સાથેનો તેમનો બાળપણનો ફોટો અમને પરત કરવાની માગણી કરીશું.’
ADVERTISEMENT
આ પણ વાંચો : મુંબઈ : શહેરમાં જોવા મળ્યાં 45 દિવસમાં 274 વિરોધ-પ્રદર્શનો
‘મિડ-ડે’ સાથે વાત કરતાં @MrSledgeHammerએ જણાવ્યું હતું કે ‘આ અકાઉન્ટ તથા તમામ પરોડી અકાઉન્ટ્સનો હેતુ તથ્યો તરફ ધ્યાન દોરવાનો છે કે શક્તિશાળી સરકારી તંત્ર કેવી રીતે નજીવા બનાવ પર સામાન્ય નાગરિકને નિશાન બનાવે છે.’
