Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > બિલ્ડિંગમાંથી બે બાળકોને બચાવીને શબ્બીર કુરેશી પાછો તો ગયો, પણ....

બિલ્ડિંગમાંથી બે બાળકોને બચાવીને શબ્બીર કુરેશી પાછો તો ગયો, પણ....

22 September, 2020 07:41 AM IST | Mumbai
Bakulesh Trivedi | bakulesh.trivedi@mid-day.com

બિલ્ડિંગમાંથી બે બાળકોને બચાવીને શબ્બીર કુરેશી પાછો તો ગયો, પણ....

બે બાળકોને બચાવી લેનાર શબ્બીર

બે બાળકોને બચાવી લેનાર શબ્બીર


ભિવંડીના નારપોલીના ધામણકર નાકા પાસેના પટેલ કમ્પાઉન્ડમાં આવેલી ૪૩ વર્ષ જૂની ત્રણ માળની જિલાની ઇમારત ગઈ કાલે પરોઢિયે ૩.૩૦ વાગ્યે તૂટી પડી હતી. આ દુર્ઘટનામાં કાટમાળની નીચે અનેક જણ દબાઈ ગયા. અનેક લોકોએ અંદર જ દમ તોડ્યો અને બીજા ઘણા બચી ગયા, પણ એમાં શબ્બીર કુરેશીનો અડધો પરિવાર બચ્યો અને બાકીનાનો પત્તો નથી. ચાર બાળકો અને પત્ની સાથે રહેતા શબ્બીર કુરેશીએ કહ્યું કે ‘અંદાજે ૩.૧૫ વાગ્યે હું અચાનક ઊંઘમાંથી જાગી ગયો હતો. મને લાગ્યું કે બિલ્ડિંગ ધ્રૂજી રહ્યું છે. એટલામાં જ ભીંતમાં તિરાડ પડવાનો અવાજ મેં સાંભળ્યો. મેં એ જોયું એટલે તરત જ ચેતીને હું મારાં બે બાળકોને ઉપાડીને મકાનની બહાર દોડી ગયો હતો. ત્યાર બાદ હું ફરી પાછો બે બાળકો અને પત્નીને લેવા ગયો હતો. એ વખતે મારી પત્ની ઘરને તાળું મારવામાં રહી અને એ જ વખતે મકાન તૂટી પડ્યું.’

bhiwandi



બિલ્ડિંગ નીચેથી બચાવીને હૉસ્પિટલમાં લઈ જવાઈ રહેલો ઈજાગ્રસ્ત


મકાન તૂટી પડ્યુ એમાં શબ્બીર, તેની પત્ની અને બે બાળકો કાટમાળ હેઠળ સપડાઈ ગયાં હતાં. શબ્બીરના શરીર પર એક જાળી પડી હતી એથી તે બચી ગયો હતો. જોકે જીવ બચાવવા તેણે થોડું જોર લગાવીને જાળી હટાવીને જેમ તેમ બહાર આવવાનો પ્રયાસ કર્યો હતો અને થોડો બહાર નીકળ્યા બાદ અન્ય બચાવકાર્ય કરનાર લોકોએ તેને બહાર ખેંચી કાઢ્યો હતો. જોકે તેની પત્ની અને બે બાળકો કાટમાળ હેઠળ જ ફસાયેલાં હતાં.


Whatsapp-channel Whatsapp-channel

22 September, 2020 07:41 AM IST | Mumbai | Bakulesh Trivedi

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK