મહારાષ્ટ્રમાં આજે ભારે વરસાદ પડવાની શક્યતા
પ્રતીકાત્મક તસવીર
મુંબઈમાં છેલ્લા દસ દિવસથી વરસાદની રાહ જોવાતી હોવા છતાં હજી સુધી ચોમાસાની પધરામણી નથી થઈ. જોકે હવામાન ખાતાએ આગામી ૨૪ કલાકમાં મહારાષ્ટ્રના કેટલાક વિસ્તારમાં ભારે વરસાદ પડવાની આગાહી ગઈ કાલે કરી હતી. આથી આશા છે કે ટૂંક સમયમાં મુંબઈમાં પણ વરસાદ આવી પહોંચશે.મુંબઈના હવામાન ખાતાએ ગઈ કાલે કરેલી આગાહીમાં જણાવ્યું છે કે મહારાષ્ટ્રના નાશિક, પુણે, નંદુરબાર, ધુળે, જળગાંવ અને અહમદનગરમાં વીજળીના કડાકાભડાકા અને ૩૦-૪૦ કિલોમીટરની ઝડપે પવન ફૂંકાવાની સાથે કેટલેક સ્થળે ભારે વરસાદ પડશે. એ પછીના ૨૪ કલાકમાં પણ ઝડપી હવા સાથે નાશિક, પુણે અને એહમદનગર જિલ્લામાં ભારે વરસાદ થવાની શક્યતા છે. મુંબઈમાં આગામી ૨૪ કલાક વાદળછાયું આકાશ રહેશે, પરંતુ વરસાદની શક્યતા નહીંવત હોવાનું કોલાબા વેધશાળાના પ્રવક્તાએ જાહેર કર્યું હતું.