મીરા-ભાઇંદર પા‌લિકાની સ્કૂલના ગુજરાતી ‌વિદ્યાર્થીઓને આખરે ન્યાય મળ્યો

Published: Dec 14, 2019, 07:44 IST | Mumbai

સ્કૂલમાં હવે પહેલા અને પાંચમા ધોરણના વિદ્યાર્થીઓ અલગ-અલગ ક્લાસમાં ભણશે

BMC સ્કૂલ
BMC સ્કૂલ

મીરા-ભાઈંદર મહાનગરપા‌લિકાની સ્કૂલના ગુજરાતી ‌વિદ્યાર્થીઓનું ભા‌વિ ધૂંધળું થાય એ પહેલાં ‌‘મિડ-ડે’ દ્વારા હાથ ધરાયેલી મહેનત રંગ લાવી છે. મહાનગરપા‌લિકાની સ્કૂલના બે અલગ-અલગ ધોરણના ‌વિદ્યાર્થીઓને એક ક્લાસમાં ભણાવાતા હતા જેના કારણે ‌વિદ્યાર્થીઓના ‌‌શૈક્ષ‌ણિક ભાવિ સામે પ્રશ્નાર્થ ઊભો થયો હતો. આ ‌વિશે ‘‌મિડ-ડે’માં અહેવાલ પ્ર‌સિદ્વ કરાયો હતો. ‌શિક્ષણ અ‌ધિકારીએ આપેલાં આશ્વાસન અનુસાર ગંભીરતા દાખવીને સ્કૂલની ‌‌મુલાકાત લઈને બન્ને વર્ગોની જુદી-જુદી વ્યવસ્થા કરી આપી હતી. આ પગલું લેવાના કારણે ‌શિક્ષકો સ‌હિત ‌વિદ્યાર્થીઓને પણ ખૂબ મોટી રાહત મળી છે.

મીરા-ભાઈંદર મહાનગરપા‌લિકા દ્વારા પ્રાઈવેટ સ્કૂલોની સ્પર્ધાને માત આપવા માટે અનેક પ્રકારના પ્રયાસ હાથ ધરાય છે. પા‌લિકાની ગુજરાતી, ‌હિન્દી, મરાઠી અને ઉર્દૂ ‌મીડિયમની ૩૬ સ્કૂલ છે અને આ સ્કૂલમાં ૭૪૦૦ ‌વિદ્યાર્થીઓ ‌ભણી રહ્યા છે. જોકે ભાઈંદર-વેસ્ટમાં ભાઈંદર સેકન્ડરી સ્કૂલના ‌પ્રિમાઇસીસમાં મીરા-ભાઈંદર મહાનગરપા‌લિકાની એક મોટી ‌બિ‌‌લ્ડિંગ છે, જેમાં છ સ્કૂલ છે. જેમાં બાલવાડી (‌હિન્દી-મરાઠી), ગુજરાતી ‌મીડિયમની સ્કૂલ નંબર-૧૭, ‌મરાઠી ‌મીડિયમની સ્કૂલ નંબર-૧૬, હિન્દી ‌મીડિયમની સ્કૂલ નંબર-૧૮ અને સ્કૂલ નંબર-૩૦, ઉર્દૂ ‌મીડિયમની સ્કૂલ નંબર-૩૧નો સમાવેશ છે. જેમાં ગુજરાતી ‌મીડિયમની સ્કૂલ નંબર- ૧૭ આ સ્કૂલની મુખ્ય ‌બિ‌‌‌લ્ડિંગના પહેલા માળ પર છે.

જોકે ગુજરાતી સ્કૂલના ‌વિદ્યાર્થીઓના એક ક્લાસને ખાલી કરીને એ વર્ગનો ‌શિક્ષણ ‌વિભાગ દ્વારા ઉપયોગ કરાઈ રહ્યો છે. બે મ‌હિના પહેલાં એમાં ‌શિક્ષણ ‌વિભાગના બધા ‌શિક્ષા અ‌‌ભિયાન (સમગ્ર ‌શિક્ષા અભિયાન) હવે આ ‌વિભાગના કાર્યાલયમાં ચાલુ કરાયાં છે. એ પહેલાં આ કાર્યાલય ભાઈંદરના નગર ભવન, ભારતરત્ન ડૉ. બાબાસાહેબ આંબેડકર ‌બિ‌લ્ડિંગના બીજા માળે હતું. આ ‌વિભાગ મહારાષ્ટ્ર શાસનના મુખ્ય પ્રધાન સ‌ચિવના માર્ગદર્શન હેઠળ કામ કરે છે.

જોકે આ ‌વિભાગ શરૂ કરવા માટે ગુજરાતી મીડિયમના એક વર્ગને ખાલી કરાતાં એ વર્ગનો અન્ય ધોરણના વર્ગમાં સમાવેશ કરવામાં આવ્યો હતો.

શું આદેશ અપાયો?
‌‍
શિક્ષણ અ‌ધિકારી ઉ‌ર્મિલા પારધેએ ‘મિડ-ડે’ને જણાવ્યું હતું કે ‘હું બુધવારે ભાઈંદરમાં નહોતી એથી ગુરુવારે મેં સ્કૂલની મુલાકાત લીધી હતી. ત્યાંની સ્થિતિ જાણ્યા બાદ ‌પ્રિ‌ન્સિપાલને બે અલગ વર્ગ ઉપલબ્ધ કરાવવાનો આદેશ આપ્યો હતો. એ અનુસાર ગઈ કાલથી જ ‌વિદ્યાર્થીઓને અલગ ક્લાસ મળી ગયો છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK