૧ ઑક્ટોબરથી છ મહિના તબેલાના દૂધનો ભાવ લિટરના ૫૧.૫૦ રૂપિયા

Published: 28th September, 2012 05:13 IST

મોંઘવારી દિવસે ને દિવસે વધી રહી છે ત્યારે એમાંથી ઘાસચારો પણ બાકાત રહ્યો નથી એટલે ધ બૉમ્બે મિલ્ક પ્રોડ્યુસર અસોસિએશને છ મહિના માટે તબેલાના દૂધના ભાવમાં લિટરદીઠ ૨.૫૦ રૂપિયાનો વધારો કર્યો છે.

પહેલી ઑક્ટોબરથી ૨૦૧૩ની ૩૧ માર્ચ સુધી ભેંસના એક લિટર દૂધ માટે ૫૧.૫૦ રૂપિયા ચૂકવવા પડશે. આ બાબતે ધ બૉમ્બે મિલ્ક પ્રોડ્યુસર અસોસિએશનની એક મીટિંગનું આયોજન બુધવારે સવારે ૧૧ વાગ્યે જોગેશ્વરી (વેસ્ટ)ની દીવાન ચેમ્બરમાં કરવામાં આવ્યું હતું. ઘાસચારો અને ડીઝલના ભાવમાં થયેલા વધારા તથા અન્ય ખર્ચાઓને ધ્યાનમાં રાખીને લિટરદીઠ ૨.૫૦ રૂપિયાનો વધારો કરવાનો નિર્ણય આ મીટિંગમાં લેવામાં આવ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK