આવતા વર્ષે મેટ્રોની ટ્રાયલ સવારી

Published: 17th December, 2012 04:40 IST

માર્ચ-એપ્રિલ મહિના દરમ્યાન આંશિક ટ્રાયલ રન લેવામાં આવશે એવો એમએમઆરડીએના અધિકારીઓનો દાવો



૧૧.૦૭ કિલોમીટર લાંબા વર્સોવા-અંધેરી-ઘાટકોપર (વીએજી)  કૉરિડોરના કામકાજમાં એમએમઆરડીએ દ્વારા ઝડપ કરવામાં આવતાં હવે આવતા વર્ષે એના અમુક કૉરિડોરની ટ્રાયલ-રન શક્ય બનશે. એમએમઆરડીએના સિનિયર અધિકારીએ કહ્યું હતું કે ૨૦૧૩ના માર્ચ-એપ્રિલ દરમ્યાન પાર્શિયલ ટ્રાયલ-રન લેવામાં આવશે. તમામ કામકાજને પૂરું થતાં સમય લાગી શકે એમ હોવાથી પાર્શિયલ સ્ટ્રેચમાં જ એ હાથ ધરવામાં આવશે. અગાઉ ઑગસ્ટ તથા સપ્ટેમ્બર ૨૦૧૨માં ટ્રાયલ-રન થવાની હતી, પરંતુ કન્સ્ટ્રક્શનને લગતાં અમુક કારણોસર એ શક્ય નહોતું બન્યું. વર્સોવાથી અંધેરી સુધીના ટ્રૅક બેસાડવાનું કામ પૂરું થયું છે અને હવે અંધેરી સ્ટેશન (ઈસ્ટ)થી ઍરપોર્ટ રોડ સ્ટેશનનું કામકાજ પ્રગતિ પર છે.

કયા લાભ થશે?

એ શરૂ થતાં વેસ્ટર્ન તથા ઈસ્ટર્ન સબબ્ર્સને જોડતો પહેલો રેલ કૉરિડોર હશે.

૧૧.૦૭ કિલોમીટરનું અંતર માત્ર ૨૧ મિનિટમાં કપાશે. અત્યારે એ માટે રોડમાર્ગે ૯૦ મિનિટ લાગે છે.

ટ્રાફિક હળવો થતાં પ્રદૂષણમાં ઘટાડો થશે.

શહેરના એમઆઇડીસી, સીપ્ઝ તથા અન્ય કમર્શિયલ વિસ્તારોમાં રેલમાર્ગે જઈ શકાશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK