Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > લંડન-આઇ જેવું જ મુંબઈ-આઇ બનાવાશે

લંડન-આઇ જેવું જ મુંબઈ-આઇ બનાવાશે

16 January, 2020 07:58 AM IST | Mumbai
Dharmendra Jore

લંડન-આઇ જેવું જ મુંબઈ-આઇ બનાવાશે

લંડન-આઇ

લંડન-આઇ


મહારાષ્ટ્રની કૅબિનેટે ગઈ કાલે બાંદરા-વરલી સી-લિન્ક નજીક લંડન-આઇ જેવું જ મોટું ચકડોળ બનાવવાની યોજનાને સૈદ્ધાંતિક મંજૂરી આપી હતી. લંડન-આઇની જેમ જ આ ચકડોળને મુંબઈ-આઇ નામ આપવામાં આવશે એવી જાહેરાત રાજ્યના નાયબ મુખ્ય પ્રધાન અજિત પવારે મહા વિકાસ આઘાડીના પ્રધાનોને સાપ્તાહિક મીટિંગ બાદ કરી હતી.

આ પ્રસંગે તેમણે કહ્યું હતું કે ઘણા લાંબા સમયથી દેશની આર્થિક રાજધાનીમાં વિહંગાવલોકન કરી શકાય એવું સ્થાપત્ય બાંધવાનું તેમનું સ્વપ્ન હતું. શિવસેનાએ પણ બીએમસીમાં આ પ્રકારની દરખાસ્ત રજૂ કરી હતી તથા કૉર્પોરેટર્સ સમક્ષ આ દરખાસ્ત માટેનું પ્રેઝન્ટેશન પણ રજૂ કરવામાં આવ્યું હતું. જોકે બીએમસી પણ આ પ્રકારનું સ્મારક ઊભું કરવામાં રસ ધરાવતી હતી.



સરકારનાં સૂત્રોએ જણાવ્યા મુજબ ટૂંક સમયમાં કૅબિનેટમાં પણ આ ચકડોળની દરખાસ્ત માટે પ્રેઝન્ટેશન આપવામાં આવશે. પ્રેઝન્ટેશન પછી અંતિમ મંજૂરી આપવામાં આવશે, ત્યાર બાદ નિષ્ણાતો સાથે મસલત કરીને એજન્સીને પ્રોજેક્ટ સોંપવા તેમ જ પ્રોજેક્ટનું ભંડોળ નક્કી કરવામાં આવશે.


આ પણ વાંચો : મુંબઈ : ફ્લૅટ ભાડે આપ્યા તો પાછા લઈ લઈશું

ઇન્દુ મિલમાં બંધાનારી આંબેડકરની પ્રતિમાની ઊંચાઈ વધારાશે


દાદરની ઇન્દુ મિલમાં બંધાનારું ડૉક્ટર આંબેડકરનું સ્મારકનું કાર્ય લાંબા સમયથી અટક્યું હતું, પણ હવે આ પૂતળાની ઊંચાઈ અગાઉ મંજૂર કરવામાં આવેલા ૨૫૦ ફીટ કરતાં ૧૦૦ ફીટ વધુ એટલે કે ૩૫૦ ફીટ રાખવાનો નિર્ણય લેવામાં આવ્યો છે. કૅબિનેટે પણ આ સ્મારક માટે ઠરાવાયેલો ખર્ચ અગાઉના ૭૬૩ કરોડથી વધારીને ૧૦૮૦ કરોડ રૂપિયાનો કરવાની મંજૂરી આપી છે. આમ આ સ્થાપત્ય ૧૦૦ ફીટ ઊંચા પ્લૅટફૉર્મ સાથે કુલ ૪૫૦ ફીટનું રહેશે. એમએમઆરડીએ ભંડોળ એકત્ર કરીને ત્રણ વર્ષમાં આ પ્રોજેક્ટ પૂર્ણ કરશે તેમ જ બદલાયેલી નવી ડિઝાઇન માટે મંજૂરી પણ મેળવશે. રાજ્ય સરકારે પણ એમએમઆરડીએને ફરીથી ભંડોળ આપવાનું વચન આપ્યું છે.

Whatsapp-channel Whatsapp-channel

16 January, 2020 07:58 AM IST | Mumbai | Dharmendra Jore

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK