Mumbai Fire: મુંબઈમાં સિલિન્ડર ગોડાઉનમાં લાગી ભયંકર આગ, 4 લોકો ઘાયલ
પ્રતીકાત્મક તસવીર
આજકાલ જ્યાં જુઓ ત્યાં આગ લાગવાના ઘણા સમાચાર સાંભળવા મળી રહ્યા છે. આજે મુંબઈમાં અંધેરી વેસ્ટના યારી રોડ પર આવેલા એક સિલિન્ડર ગોડાઉનમાં ભીષણ આગ લાગી હતી. જ્યાં અત્યાર સુધીમાં ઘણા સિલિન્ડર બ્લાસ્ટ થઈ ચૂક્યા છે. ગીચ વસ્તીવાળા વિસ્તારમાં ફેલાયેલી આ આગને કારણે ફાયર વિભાગની 16 ગાડીઓ ઘટનાસ્થળ પર આગ પર કાબૂ મેળવવા એકત્રિત થઈ ગઈ છે. ફાયર વિભાગના જણાવ્યા મુજબ, આ એક લેવલ ટુ ફાયર છે જે એકદમ મોટી માનવામાં આવે છે. મહત્વની વાત એ છે કે આ આગમાં અત્યાર સુધી કોઈને ઈજા કે જાનહાનિ થઈ નથી. આ આગ સવારે લગભઘ 10 વાગ્યાના આસપાસ લાગી છે. આ ભીષણ આગના કારણે આસપાસના ઘરમાં રહેતા લોકોને દૂર જવા કહેવામાં આવ્યું હતું.
આ ગોડાઉન જ્યાં આવેલું છે ત્યાં બાજુમાં એક સ્કૂલ અને હોસ્પિટલ પણ છે. હાલમાં ફાયર વિભાગ આ આગને યુદ્ધ સ્તર પરથી કાબૂમાં લેવાની કામગીરીમાં લાગી ગયું છે. આ આગમાં ચાર લોકો ઘાયલ થયા છે જેની સારવાર કૂપર હોસ્પિટલમાં કરવામાં આવી રહી છે