ચોરીનો માલ સસ્તામાં વેચવાના આરોપસર બેની ધરપકડ
51 મોબાઇલ સહિતની માલમતા જપ્ત કરી
નવી મુંબઈના તુર્ભે સ્ટેશન પાસે બે લોકો મોબાઇલ, એની ઍક્સેસરીઝ અને જૉકીનાં અન્ડર ગાર્મેન્ટ્સ સસ્તામાં વેચી રહ્યાં હોવાની માહિતી મળ્યા બાદ નવી મુંબઈ ક્રાઇમ બ્રાન્ચની યુનિટ-૧ની ટીમે બે આરોપીને તાબામાં લઈને તેમની પાસેના ૫૧ મોબાઇલ, હેડફોન, ચાર્જર, મેમરી કાર્ડ, ડેટા કેબલ, બ્યુટૂથ સ્પીકર્સ અને બ્રાન્ડેડ અન્ડર ગાર્મેન્ટ્સ જપ્ત કર્યાં હોવાનું જાણવા મળ્યું હતું.
પોલીસે આપેલી માહિતી મુજબ ૨૪ વર્ષના આરોપી રિઝવાન મકબૂલ ખાન અને ૨૨ વર્ષના આરોપી જાવેદ શાહજહાન ખાન કલ્યાણમાં શિલફાટા પાસે રહે છે. તેમની પૂછપરછ કરતાં તેમણે પોતાનો ગુનો કબૂલી લેતાં કહ્યું હતું કે મોબાઇલ અને મોબાઇલ ઍક્સેસરીઝ તેમણે તળોજા ગાંવની એક મોબાઇલસની દુકાનમાંથી ચોરી હતી અને અન્ડર ગાર્મેન્ટ્સ કોપરખૈરણે ડી માર્ટ પાસે આવેલા એક મૉલની દુકાનમાંથી ચોરી કર્યાં હતાં. રિઝવાન રીઢો ગુનેગાર છે. આ પહેલાં તેની સામે ચોરીના અને ઘરફોડીના ગુનાઓ અન્ય પોલીસ સ્ટેશનમાં પણ નોંધાયા છે.
