મુલુંડમાં શનિવારે રાત્રે પાંચ દુકાનોનાં તાળાં તૂટ્યાં
મુલુડમાં એક દુકાનનું તૂટેલું શટર
મુલુંડમાં દિવસેને દિવસે ચોરીની ઘટનાઓ વધતી જાય છે. છેલ્લા ૧ મહિનામાં મુલુંડમાં ૪૦ કરતાં પણ વધુ ચોરીઓની ઘટનાઓ સામે આવી છે. ત્યારે મુલુંડ કૉલોની વિસ્તારમાં ૪ મેડિકલ અને એક ગ્રોસરી દુકાનોમાં ચોરીની ઘટના સામે આવતાં મુલુંડમાં ભયનું વાતાવરણ પેદા થયું છે. મુલુંડ પોલીસ સ્ટેશનના એક અધિકારીએ જણાવ્યું હતું કે ફરિયાદ નોંધી સીસીટીવી કેમૅરાના આધારે કામ ચાલુ કર્યું છે.
મુલુંડ વેસ્ટમાં કૉલોની વિસ્તારમાં આવેલ ઓમ મેડિકલ, શિવમ મેડિકલ, કિરણ મેડિકલ, લલિતા મેડિકલ, સુશીલ ગ્રોસરી દુકાનમાંથી શનિવારે રાતના ચોરી થઈ હતી. એક દુકાન માલિકે જણાવ્યું હતું કે જે પણ ચોર છે તેઓ મેડિકલ દુકાનોને જ ટારગેટ કરી રહ્યું છે. મારી દુકાનમાંથી ૧૪,૦૦૦ રૂપિયા રોકડની ચોરી સાથે અનેક દવાઓ પણ ચોરી થઈ છે.
ADVERTISEMENT
મુલુંડ પોલીસ સ્ટેશનના સિનિયર પ્રભારી સાથે વાત કરતાં એમણે જણાવ્યું હતું કે ચોરીની ઘટના બાદ અમે પેટ્રોલિંગ વધારી રહ્યા છે. અમે ચોરોની થિયરીઓ ચેક કરી સીસીટીવી કેમૅરાના ફુટેજના આધારે તપાસ હાથ ધરી છે.
