મુંબઈની હોસ્પિટલમાં કોવિડ-19 પેશન્ટની છેડતી કરનારા પકડાયો

મલાડની એક હોસ્પિટલમાં કોવિડ-19 પેશન્ટની છેડતી કરનારા ૨૧ વર્ષના સિક્યોરિટી ગાર્ડની ધરપકડ કરવામાં આવી હોવાનું પોલીસે ગઈ કાલે જણાવ્યું હતું.

કુરાર વિલેજની કોવિડ-૧૯ હોસ્પિટલમાં વહેલી સવારે પેશન્ટના રૂમમાં પ્રવેશ કરીને તેના પર કાબુ મેળવવાની કોશિશ કરનારા સિક્યોરિટી ગાર્ડ સંજય કોટેવારની પોલીસે બુધવારે ધરપકડ કરી હોવાનું અધિકારીએ જણાવ્યું હતું.

સિક્યોરિટી ગાર્ડના હુમલાથી ડરીને પિડીતાએ અલાર્મ વગાડતાં ડૉક્ટર અને નર્સે તેના રૂમમાં દોડી જઈ આરોપીને ઝડપી લઈને કુરાર વિલેજ પોલીસને સોંપી દીધો હતો. કુરાર પોલીસ સ્ટેશનના વરિષ્ઠ ઇન્સ્પેક્ટર બાબાસાહેબ સાળુંકેએ કહ્યું હતું કે આરોપી સિક્યોરિટી ગાર્ડની વિરુદ્ધ ફરિયાદ નોંધી છે.