દીવાલ કૂદીને એરપોર્ટમાં ગેરકાયદે પ્રવેશ કરનાર માનસિક રોગીની અટક
પ્રતીકાત્મક તસવીર
ગઈ કાલે વહેલી સવારે ૨૩ વર્ષની માનસિક રીતે બીમાર વ્યક્તિ ડોમેસ્ટિક એરપોર્ટની લગભગ ૧૦ ફીટ ઊંચી દીવાલ ચડીને રનવે તરફ ચાલતો જઈ રહ્યો હતો, ત્યારે એરપોર્ટ પોલીસે તેને પકડી લીધો હતો.
પોલીસે પકડી લેતાં તેણે જણાવ્યું હતું કે કુર્લા સ્ટેશન નજીક આવેલી વાઇન શૉપમાંથી શરાબની ખરીદી કરવા માટે તેણે શૉર્ટકટ લેવાનો નિર્ણય લેતાં એરપોર્ટનો રસ્તો લીધો હતો. તેની વિરુદ્ધ કેસ નોંધતા પહેલાં પોલીસે તેના પરિવારજનોને બોલાવ્યા હતા જેમણે તેની માનસિક બીમારી વિશે જણાવતાં પોલીસે તેને મુક્ત કર્યો હતો.
ADVERTISEMENT
આ પણ વાંચો : રોજ 300 રૂપિયાની કમાણી કરતા મજૂરને આયકર વિભાગે 1 કરોડની નોટિસ મોકલી
આ વ્યક્તિ સાંતાક્રુઝમાં હાઇવેની નજીકમાં આવેલી ઝૂંપડપટ્ટીમાં રહે છે અને હાલમાં જે. જે. હૉસ્પિટલમાં તેની સારવાર ચાલુ છે. છ મહિનામાં આ પ્રકારનો આ બીજો બનાવ છે. ગયા વર્ષે ઑગસ્ટ મહિનામાં ૨૭ વર્ષના માનસિક રીતે બીમાર યુવકે અૅરપોર્ટની દીવાલ ચઢીને બૅન્ગલોર જતા પ્લેનને રોકવાની કોશિશ કરી હતી.
