Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > મુંબઈ : બનાવટી આધારકાર્ડ બનાવી આપનારાઓ બોરીવલીમાંથી પકડાયા

મુંબઈ : બનાવટી આધારકાર્ડ બનાવી આપનારાઓ બોરીવલીમાંથી પકડાયા

11 February, 2021 08:47 AM IST | Mumbai
Mid-day Correspondent

મુંબઈ : બનાવટી આધારકાર્ડ બનાવી આપનારાઓ બોરીવલીમાંથી પકડાયા

આધાર કાર્ડ (પ્રતીકાત્મક તસવીર)

આધાર કાર્ડ (પ્રતીકાત્મક તસવીર)


બોરીવલી (વેસ્ટ)ના ચામુંડા સર્કલની પાસે એક બૅન્કમાં કાયદેસર આધારકાર્ડ બનાવવાનું સેન્ટર ચલાવતા આરોપી સહિત તેના સાથીદાર એજન્ટની પોલીસે ધરપકડ કરી છે. મુંબઈ ક્રાઇમ બ્રાન્ચના યુનિટ-૧૧ની ટીમે બનાવટી આધારકાર્ડ બનાવીને ભારતની નાગરિકતા પ્રાપ્ત કરનારા દસ નેપાળીઓની સાથે આધારકાર્ડ બનાવનાર બે એજન્ટ અને એક ઑપરેટરને પકડી પાડ્યા છે. પોલીસે પકડી પાડેલા તમામ નેપાળી આરોપીઓ મુંબઈના વિવિધ વિસ્તારોમાં રહે છે અને હોટેલ, બાર વગેરેમાં નોકરી કરે છે. આધારકાર્ડ બનાવવા માટે બન્ને આરોપીઓ ત્રણ હજાર રૂપિયાથી આઠ હજાર રૂપિયા સુધી ચાર્જ કરતા હતા. પોલીસે પકડી પાડેલા આરોપીઓના અન્ય કેટલા સાથીદારો છે અને કેટલા લોકોને બનાવટી આધારકાર્ડ બનાવી આપ્યાં છે એની તપાસ પોલીસે હાથ ધરી છે.

આ વિશે મુંબઈ ક્રાઇમ બ્રાન્ચ દ્વારા મળેલી માહિતી અનુસાર ‘પોલીસે બન્ને આરોપીને રિમાન્ડમાં લેતાં તપાસ વખતે તેમણે માહિતી આપી હતી કે તેમણે ૧૦ નેપાળીઓને કાગળપત્ર વગર જ આધારકાર્ડ બનાવી આપ્યાં હતાં. એથી પોલીસે એ નેપાળી નાગરિકોને શોધીને તેમની ધરપકડ કરી હતી.


Whatsapp-channel Whatsapp-channel

11 February, 2021 08:47 AM IST | Mumbai | Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK