પાંચ બોગસ ડૉક્ટરો પકડાયા : ક્લિનિકમાંથી દવા અને ઇન્જેક્શન જપ્ત

Updated: Jan 11, 2020, 12:13 IST | Mumbai

ક્રાઇમ બ્રાન્ચનો સપાટો

પ્રતીકાત્મક તસવીર
પ્રતીકાત્મક તસવીર

મુંબઈ ક્રાઇમ બ્રાન્ચના અધિકારીઓએ પાંચ બોગસ ડૉક્ટરોની ધરપકડ કરી છે. વિલે પાર્લે, વર્સોવા અને મલાડમાંથી આ બોગસ ડૉક્ટરોની અટક કરવામાં આવી છે. ક્રાઇમ બ્રાન્ચના ૯, ૧૧ અને ૧૨  યુનિટના અધિકારીઓએ  અલગ ટીમ બનાવીને ગુરુવારે રાતે જૉઇન્ટ કાર્યવાહી કરી હતી અને આ બોગસ ડૉક્ટરોનાં ક્લિનિકમાંથી દવા અને ઇન્જેક્શન જપ્ત કર્યાં હતાં.

ડૉક્ટર હોવાની કોઈ પણ પ્રકારની ડિગ્રી પોતાની પાસે ન હોવા છતાં પોતે ક્લિનિક બનાવીને ડૉક્ટર હોવાનું જણાવી લોકોના જીવ સાથે રમતા પાંચ બોગસ ડૉક્ટરોની મુંબઈ ક્રાઇમ બ્રાન્ચે જૉઇન્ટ કાર્યવાહી કરીને ધરપકડ કરી છે. આ બોગસ ડૉક્ટરોની યાદીમાં વિલે પાર્લેમા બંગાલી ક્લિનિકના સ્વપ્નકુમાર મંડલ, વિલે પાર્લેમાં મિશ્રા ક્લિનિકના રામકુમાર મિશ્રા, વર્સોવામાં અંગારિયા ક્લિનિકના સોહિબ અગારિયા, મલાડ-વેસ્ટમાં શીતલ ક્લિનિકના તુકારામ થોરાત, મલાડ-વેસ્ટમાં મધર ઍન્ડ ચાઇલ્ડ કૅર પેથોલૉજીના આ પાંચ બોગસ ડૉક્ટરોની ધરપકડ ગુરુવારે સાંજે કરવામાં આવી હતી.

ક્રાઇમ બ્રાન્ચ યુનિટ-૧૧ના અધિકારી ચિમાજી ઓઢવ સાથે વાત કરતાં તેમણે જણાવ્યું હતું કે અમારાં ગુપ્ત સૂત્રો પાસેથી અમને માહિતી મળી હતી કે વર્સોવા, વિલે પાર્લે અને મલાડમાં આવા ડૉક્ટરો છે જે ડૉક્ટર ન હોવા છતાં પોતે લોકોને દવા આપીને લોકોની જીવ સાથે ખિલવાડ કરી રહ્યા છે. એટલે ક્રાઇમ બ્રાન્ચ યુનિટ  ૯, ૧૧ અને ૧૨ના અધિકારીઓએ જૉઇન્ટ કાર્યવાહી કરીને આ પાંચ શખસોની ધરપકડ કરી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK