ટ્વેન્ટી ટ્વેન્ટી WON
તસવીર : સતેજ શિંદે
યસ, ખરા અર્થમાં ૨૦૨૦ના વર્ષની નિરાશા-હતાશાને જીતીને આપણે ૨૦૨૧માં ડગ માંડી દીધાં છે અને આ હતાશા પર વિજયના આનંદમાં ઉમેરો ડીસીજીઆઇનું નિવેદન કરે છે. આ સંસ્થાએ ગઈ કાલે એવો ઇશારો કર્યો હતો કે નવા વર્ષમાં માનવજાત માટેના અત્યારના સમયની સૌથી અમૂલ્ય ભેટ કોવિડ-વૅક્સિનની મંજૂરી ભારતમાં હવે કોઈ પણ ઘડીએ અપાશે. કોરોનાને લીધે ૨૦૨૦માં લોકોએ ક્યારેય ન અનુભવી હોય એવી નિરાશાઓનો સામનો કર્યા બાદ ૨૦૨૧માં આપણે કોરોના સામેનો જંગ જીતીને જ રહીશું એવા આશાવાદ સાથે આ બાળકીઓએ ઇતિહાસમાં હંમેશાં યાદ રહેનારા ગયા વર્ષને ટાટા-બાય-બાય કરી દીધું હતું. આ જુસ્સો જાણે અત્યારે પ્રત્યેક મનનું પ્રતિબિંબ છે.