Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > મુંબઈઃ BMCના N વૉર્ડના અધિકારીઓ સફાળા જાગ્યા

મુંબઈઃ BMCના N વૉર્ડના અધિકારીઓ સફાળા જાગ્યા

12 February, 2019 08:41 AM IST | મુંબઈ
રોહિત પરીખ

મુંબઈઃ BMCના N વૉર્ડના અધિકારીઓ સફાળા જાગ્યા

BMCના અધિકારીઓએ શરૂ કરી તપાસ

BMCના અધિકારીઓએ શરૂ કરી તપાસ


ઘાટકોપર (ઈસ્ટ)માં ક્લીન-અપ માર્શલના નામે સામાન્ય જનતાને લૂંટતી ટોળી બુધવારે છઠ્ઠી ફેબ્રુઆરીએ કૅમેરામાં કેદ થઈ ગઈ હતી. લોકોએ બનાવટી માર્શલોનો પર્દાફાશ કર્યો હતો, જેને પગલે ઘાટકોપરના વિસ્તારોને આવરી લેતા BMCના N વૉર્ડે આ બાબતની પોલીસમાં ફરિયાદ કરી હતી. જોકે ગઈ કાલ સુધી પંતનગર પોલીસ બનાવટી માર્શલોની ટોળીને પકડી શકી નથી.

બનાવટી ટોળીની સાથોસાથ સામાન્ય જનતા પાસેથી ઑન ડ્યુટી ક્લીન-અપ માર્શલો મનફાવે એમ દંડ વસૂલ કરે છે એવી પણ અનેક ફરિયાદો આવી હતી, પરંતુ ‘મિડ-ડે’ના 7 ફેબ્રુઆરીના અહેવાલ પછી N વૉર્ડના અધિકારીઓ સફાળા જાગ્યા હતા. તેમણે ગઈ કાલે ક્લીન-અપ માર્શલો જ્યાં ફરજ બજાવી રહ્યા છે એ સ્થળોએ જનતાની જાણકારી માટે દંડની રકમ દર્શાવતાં બોર્ડ મૂક્યાં હતાં તેમ જ માર્શલ બાબતે કોઈ પણ ફરિયાદ હોય તો એ પોલીસમાં નોંધાવવા માટે જનતાને સૂચન કર્યું હતું.



આ સદર્ભની માહિતી આપતાં અસિસ્ટન્ટ એન્જિનિયર (સૉલિડ વેસ્ટ મૅનેજમેન્ટ) ઇરફાન કાઝીએ ‘મિડ-ડે’ને કહ્યું હતું કે ‘સામાન્ય જનતાની ફરિયાદ પછી બનાવટી ક્લીન-અપ માર્શલોની સામે અમે પોલીસમાં ફરિયાદ નોંધાવી છે. આ બાબતનો અહેવાલ ‘મિડ-ડે’માં પ્રસિદ્ધ કરવામાં આવ્યો હતો. પોલીસ બનાવટી માર્શલોની ટોળીને શોધી રહી છે. આ દરમ્યાન અમારી પાસે ઑન ડ્યુટી ક્લીન-અપ માર્શલો જનતા પાસેથી મનફાવે એમ દંડ વસૂલ કરે છે એવી અનેક ફરિયાદો પણ આવી હતી.


આ પણ વાંચોઃ મુંબઈઃપાલઘરમાં સ્કૂલ-બસનો અકસ્માત, 19 વિદ્યાર્થીઓ જખમી

એથી અમે જનતાની જાણકારી માટે દંડની રકમ દર્શાવતાં બોર્ડ વિવિધ સ્થળોએ લગાડી દીધાં છે. લોકોને અમારી વિનંતી છે કે જે માર્શલો યુનિફૉર્મ અને આઇ-કાર્ડ સાથે હોય તેને જ દંડ આપે. દંડની રકમ પણ ગ્પ્ઘ્એ નર્ધિારિત કર્યા પ્રમાણે જ જનતાએ ચૂકવવી. આમ છતાં માર્શલો કંઈ ખોટું કરતાં નજરમાં આવે તો તેમની સામે પોલીસમાં ફરિયાદ કરવી.’


Whatsapp-channel Whatsapp-channel

12 February, 2019 08:41 AM IST | મુંબઈ | રોહિત પરીખ

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK