મુંબઈ: વિદ્યાર્થીઓની સાથે પેરન્ટ્સને પણ હેલ્મેટનું વિતરણ

Published: Jan 29, 2020, 13:09 IST | Pallavi Smart | Mumbai

તમારું જ નહીં, તમારા વાલીના મસ્તકને પણ સલામત રાખો

પેરન્ટ્સને પણ હેલ્મેટનું વિતરણ
પેરન્ટ્સને પણ હેલ્મેટનું વિતરણ

વિદ્યાર્થીઓમાં નાની વયથી જ માર્ગ સલામતીની ભાવના વિકસે એ હેતુથી સાયનની ડી.એસ. હાઈ સ્કૂલે વિદ્યાર્થીઓ અને તેમનાં માતા-પિતામાં હેલ્મેટનું વિતરણ કરીને ગયા વીક-એન્ડ પર એક અનોખી પ્રવૃત્તિ શરૂ કરી હતી. વાહનોનો ઉપયોગ કરનારા વાલીઓ માટે નિષ્ણાતો દ્વારા વર્કશૉપ પણ હાથ ધરવામાં આવ્યા હતા અને બાળકોને તેમનાં માતા-પિતા સાથે વાહન પર જતી વખતે નાની હેલ્મેટ્સ આપવામાં આવી હતી.

થોડા મહિના અગાઉ શાળા નજીક એક માર્ગ-અકસ્માત સર્જાયો હતો, ત્યાર બાદ આ પહેલ હાથ ધરવાનો વિચાર સ્ફૂર્યો હતો. અકસ્માતનો ભોગ બનનારને માથામાં ઈજા થઈ હતી. સ્થાનિક એનજીઓની મદદથી શાળાએ-શાળાએ જવા-આવવા માટે ટૂ-વ્હીલરનો ઉપયોગ કરનારા વિદ્યાર્થીઓની ઓળખ કર્યા બાદ ધોરણ પાંચથી આઠના ૧૫૦ વિદ્યાર્થીઓને તથા ૧૫૦ માતા-પિતાને એમ કુલ મળીને ૩૦૦ હેલ્મેટ્સનું વિતરણ કર્યું હતું.

શાળાના ટ્રસ્ટી પ્રેસિડન્ટ રાજેન્દ્ર પ્રધાને ‘મિડ-ડે’ને જણાવ્યું હતું કે ‘અકસ્માતને પગલે અમારી શાળામાં ચર્ચાને વેગ મળ્યો હતો. અમારી શાળાનાં ઘણાં બાળકો જરૂરિયાતમંદ બૅકગ્રાઉન્ડમાંથી આવે છે અને તેમના માટે હેલ્મેટ ભાગ્યે જ પ્રાથમિકતા હોય છે.’

આ પણ વાંચો : 24 કલાક મૉલ્સ, બજારો અને દુકાનો ખુલ્લાં રાખવાના પ્રયોગને મિશ્ર પ્રતિસાદ

મોટા ભાગના વાલીઓએ શાળાના આ પગલાને આવકાર્યું હતું. એક વાલી સંતોષ રાજગુરુએ જણાવ્યું હતું કે ‘હું ઘણાં વર્ષોથી ટૂ-વ્હીલરનો ઉપયોગ કરું છું અને મેં ઘણા અકસ્માતો થતા જોયા છે. આથી હું હેલ્મેટ પહેરવા બાબતે ઘણો ચોક્કસ છું, પરંતુ શાળા બાળકોને હેલ્મેટ આપે, એ સાચે જ ઘણી મોટી વાત છે. માતા-પિતા સાથે ટૂ-વ્હીલર પર જનારાં બાળકો માટે હેલ્મેટ એટલી જ મહત્વપૂર્ણ છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK