સેન્ટ્રલ રેલવેમાં ૧૫ ઑક્ટોબરથી ૧૫ ડબ્બાની ટ્રેનસર્વિસ

Published: 5th October, 2012 04:43 IST

૧૫ ઑક્ટોબરથી સેન્ટ્રલ રેલવેમાં ૧૫ ડબ્બાની ટ્રેનો શરૂ થઈ રહી છે. કુલ ૧૬ સર્વિસ શરૂ થઈ રહી છે જેમાંથી ૮ નવી સર્વિસ છે,

જ્યારે ૮ સર્વિસ ૧૨ ડબ્બાના સ્થાને ૧૫ ડબ્બાની કરવામાં આવી રહી છે. આ ટ્રેનો ફાસ્ટ ટ્રૅક પર દોડાવવામાં આવશે અને બન્ને દિશામાં ભાયખલા, દાદર, કુર્લા, ઘાટકોપર, મુલુંડ, થાણે, ડોમ્બિવલી અને કલ્યાણ સ્ટેશનો પર ઊભી રહેશે. આ ટ્રેનો શરૂ થવાથી મેઇન લાઇન પર સર્વિસોની સંખ્યા ૭૮૫થી વધીને ૮૦૩ થશે. ફાસ્ટ સર્વિસિસની સંખ્યા પણ ૨૦૬થી વધીને ૨૩૩ થશે. આ સિવાય સેન્ટ્રલ રેલવે થાણેથી અંબરનાથ અને બદલાપુર માટે એક-એક અને કુર્લાથી ટિટવાલા માટે એક સર્વિસ શરૂ કરવાની છે.

૧૨ ડબ્બામાંથી ૧૫ ડબ્બામાં કન્વર્ટ થનારી ૮ ટ્રેનસર્વિસ સીએસટીથી કલ્યાણ સવારે ૮.૨૮ અને બપોરે ૧.૦૦ વાગ્યે, દાદરથી કલ્યાણ સવારે ૧૦.૪૫ અને સાંજે ૫.૨૯ વાગ્યે તેમ જ કલ્યાણથી સીએસટી સવારે ૭.૧૪, બપોરે ૨.૦૯, સાંજે ૪.૨૮ અને ૬.૨૪ વાગ્યે દોડશે.

૧૫ ડબ્બાની ૮ નવીસર્વિસ સીએસટીથી કલ્યાણ માટે સવારે ૬.૦૦, બપોરે ૩.૧૭, રાત્રે ૮.૧૦ અને ૯.૫૪ વાગ્યે; કલ્યાણથી સવારે ૯.૫૦ વાગ્યે; દાદર તેમ જ કલ્યાણથી સીએસટી માટે સવારે ૧૧.૪૮, રાત્રે ૮.૪૬ અને ૧૧.૦૫ વાગ્યે દોડશે.

 સીએસટી = છત્રપતિ શિવાજી ટર્મિનસ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK