મમ્મી ઘરે આવી એટલે બૉયફ્રેન્ડ સાથે મોજ કરતી છોકરી બારીમાંથી કૂદી પડી
પ્રતીકાત્મક તસવીર
કુર્લાના બેલ બજાર વિસ્તારના ઘરમાં એકાંતમાં બૉયફ્રેન્ડની સાથે બેડરૂમમાં બેઠેલી ટીનેજર કન્યા અચાનક મમ્મીના આગમનથી ડરી જતાં પહેલા માળની બારીમાંથી બહાર કૂદી હતી. શુક્રવારે બપોરે બનેલી ઘટનામાં ૧૭ વર્ષની છોકરીના ડાબા પગમાં ફ્રૅક્ચર થયું હતું. મમ્મી આવી પહોંચી હોવાનો ખ્યાલ આવતાં છોકરી બૉયફ્રેન્ડને નાસી જવાનું કહીને પોતે બારીમાંથી કૂદી પડી હતી.
છોકરીના પરિવારની ફરિયાદને આધારે વીબી નગર પોલીસ-સ્ટેશને ૨૦ વર્ષના સુનીલ ઝેન્ડે સામે બળાત્કાર, ઘરમાં ગેરકાયદે પ્રવેશ અને પ્રોટેક્શન ઑફ ચિલ્ડ્રન ફ્રૉમ સેક્સ્યુઅલ ઑફેન્સ ઍક્ટ હેઠળ ગુનો નોંધ્યો હતો.
