મોદી માસ્ક માત્ર પબ્લિસિટી માટે?

Published: 24th November, 2014 03:09 IST

પ્રાઇમ મિનિસ્ટર નરેન્દ્ર મોદીએ બીજી ઑક્ટોબરે ગાંધીજયંતીના અવસરે શરૂ કરેલું સ્વચ્છ ભારત મિશન હવે દેશની રાજધાની દિલ્હીમાં પણ ઔપચારિકતા બની રહ્યાનું જણાઈ રહ્યું છે.


ગઈ કાલે દિલ્હીના જવાહરલાલ નેહરુ સ્ટેડિયમથી શરૂ થઈને ત્યાં જ ખતમ થનારી હાફ મૅરથૉનમાં ૩૨ હજાર જેટલા લોકોએ ભાગ લીધો હતો. કેટલાક ઉત્સાહી સ્પર્ધકો તો સ્વચ્છ ભારત મિશનનાં બેનર્સ અને નરેન્દ્ર મોદીના માસ્ક પહેરીને પણ એમાં આવ્યા હતા, પરંતુ મૅરથૉન પૂરી થયા બાદ કોઈ મેદાનની સાફસફાઈ માટે રોકાયા નહોતા. આયોજકોએ પણ જોરશોરથી પ્રાઇમ મિનિસ્ટરના આ મિશનની જાહેરાતો કરાવી હતી, પરંતુ મૅરથૉન પૂરી થયા બાદ સ્ટેડિયમમાં કચરાનું સામ્રાજ્ય છવાયેલું હતું.

આયોજકોએ સ્ટેડિયમમાં ઠેર-ઠેર ડસ્ટબિન્સ અને કચરો ફેંકવાની વ્યવસ્થા કરી હતી, પરંતુ સ્પર્ધકો તેમ જ ત્યાં હાજર હજારો લોકોએ જ્યાં ને ત્યાં પાણીની ખાલી બૉટલો અને જન્ક ફૂડ્સની ખાલી પ્લાસ્ટિકની થેલીઓ ફેંકીને મેદાનને ગંદું કરવામાં કોઈ કસર નહોતી રાખી, એના કારણે સારા આયોજનમાં પણ મોટી ખામી નજરે ચડી હતી.  

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK