લોકલ ટ્રેનોની ટિકિટો હવે મોબાઇલ ઍપ વડે ખરીદી શકાશે

Published: 24th December, 2014 03:04 IST

રેલવે તરફથી મુંબઈગરાઓને ક્રિસમસની ભેટ તરીકે રેલવે-પ્રધાન સુરેશ પ્રભુએ મોબાઇલ ઍપ પર લોકલ ટ્રેનની ટિકિટો ખરીદવા માટે સુવિધા ઉપલબ્ધ કરાવવાનો નિર્ણય લીધો છે. આ યોજનાનું ઉદ્ઘાટન રેલવે-પ્રધાન ૨૬ ડિસેમ્બરે દાદરમાં કરશે.




આ પદ્ધતિ હેઠળ તમારા ઑનલાઇન વૉલેટની મદદથી તમે જ્યારે ટિકિટ ખરીદો ત્યારે તમને એક ટેક્સ્ટ મેસેજ મળશે. તમે આ કોડ તમારા મોબાઇલ-નંબર સાથે વાપરી કેટલાંક સ્ટેશનો પર તમારી ટિકિટનું પ્રિન્ટઆઉટ મેળવી શકશો.

શરૂઆતમાં દાદર (વેસ્ટર્ન અને સેન્ટ્રલ), CST, કુર્લા, થાણે અને કલ્યાણ, ચર્ચગેટ, મુંબઈ સેન્ટ્રલ, અંધેરી અને બોરીવલી સ્ટેશનો પર આ સુવિધા ઉપલબ્ધ કરાવવામાં આવશે. આ પદ્ધતિમાં તમારો મોબાઇલ-નંબર તમારો યુઝર ID હશે. આ બુકિંગ IRCTCની વેબસાઇટ પર બુકિંગની જેમ જ કરવાનું રહેશે.

એક સમયે ચાર સેકન્ડ ક્લાસ અને એક ફર્સ્ટ ક્લાસની ટિકિટ આ વેબસાઇટ પર બુક થઈ શકશે. ટિકિટનો ક્ન્ફર્મેશન મેસેજ અને ટિકિટની જાણકારી મોબાઇલ ફોન પર મોકલી આપવામાં આવશે. આ પ્રિન્ટેડ ટિકિટો એ જ દિવસે અનરિઝર્વ્ડ ટિકિટ-કાઉન્ટરો પર કૅન્સલ કરી શકાશે. આ પદ્ધતિથી સીઝન ટિકિટો પણ ખરીદી શકાશે. એ જ પ્રમાણે બહારગામની ટ્રેનોની અનરિઝર્વ્ડ ટિકિટો પણ ખરીદી શકાશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK