ધારાવીમાં પણ શરૂ થઈ મિશન ઝીરો ઝુંબેશ

Published: 17th February, 2021 09:37 IST | Gujarati Mid-day Correspondent | Mumbai

ધારાવી જેવા ઝૂંપડપટ્ટી વિસ્તારોમાં અને દાદર-માહિમ જેવાં ઉચ્ચ જોખમી ક્ષેત્રોમાં ચાલતા વાહન દ્વારા કોવિડની તપાસ કરવામાં આવી રહી છે

ફાઈલ તસવીર
ફાઈલ તસવીર

કોવિડ-19ના કેસ ઓછા કરવા માટે જી/ઉત્તર વિભાગ દ્વારા પણ ‌વિવિધ ઉપાય યોજના હાથ ધરવામાં આવી છે. આ વિભાગના આરોગ્ય ખાતા દ્વારા કોવિડ-ટેસ્ટનું પ્રમાણ વધારવામાં આવી રહ્યું છે. ધારાવી જેવા ઝૂંપડપટ્ટી વિસ્તારોમાં અને દાદર-માહિમ જેવાં ઉચ્ચ જોખમી ક્ષેત્રોમાં ચાલતા વાહન દ્વારા કોવિડની તપાસ કરવામાં આવી રહી છે. દાદર, ધારાવી અને માહિમમાં દુકાનદારોથી લઈને વેપારી સંસ્થાપકોમાં‌ માલિક, ચાલક અને અન્ય કર્મચારી વર્ગની તપાસ કરવામાં આવી રહી છે. આ વિભાગ અને સ્નેહા નામની સામાજિક સંસ્થાએ સંયુક્ત રીતે ‘મિશન ઝીરો‘ કાર્યક્રમ શરૂ કર્યો છે. માઇક દ્વારા કોરોના વિશેની સતર્કતા માટે અનાઉન્સમેન્ટ કરવામાં આવી રહ્યું છે. ઇન્ટરનૅશનલ પ્રવાસીઓ પૉ‌ઝિટિવ આવે તો હૉ‌‌સ્પિટલમાં અને નેગેટિવ આવે તો ૭ દિવસ ક્વૉરન્ટીન થવાનું અનિવાર્ય કરવામાં આવ્યું છે. દાદર રેલવે-સ્ટેશને ગુજરાત અને અન્ય રાજ્યોમાંથી આવતા રેલવેના પ્રવાસીઓની રેલવે-સ્ટેશન પર ‌‌‌‌‌સ્ક્રીનિંગ અને કોવિડનાં લક્ષણો માટે ટેસ્ટ કરવામાં આવી રહી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK