ગૅન્ગસ્ટર રવિ પૂજારીનો બાતમીદાર પકડાયો

Published: 25th December, 2011 04:23 IST

શુક્રવારે થાણે પોલીસના ઍન્ટિ-એક્સ્ટૉર્શન સેલે (ખંડણીવિરોધી દળ)  કુખ્યાત ક્રિમિનલ તથા ગૅન્ગસ્ટર રવિ પૂજારીના નિકટના સાથીને પકડ્યો હતો.

 

અસિસ્ટન્ટ કમિશનર ઑફ પોલીસ (ક્રાઇમ) પી. જી. કેન્દ્રેએ કહ્યું હતું કે આરોપીનું નામ પ્રકાશ શંકર બગમ ઉર્ફે પક્યા છે. ૪૭ વર્ષનો પક્યા વર્ષોથી મુંબઈમાં રહે છે તેમ જ રવિ પૂજારીનો બાળપણનો મિત્ર છે. પોલીસના જણાવ્યા મુજબ પક્યા થાણેના બિલ્ડરો તથા જ્વેલર્સની તમામ માહિતીઓ પૂજારીને મોકલતો હતો. તાજેતરમાં જ તેણે પૂજારી જે બિલ્ડર પાસેથી ૫૦ લાખ રૂપિયાની ખંડણી માગતો હતો એ બિલ્ડર પ્રકાશ મુથાની  માહિતી પહોંચાડી હતી.

શિવસેનાના વિધાનસભ્ય રમેશ મોરેની હત્યાના આરોપસર ૧૯૯૪માં પક્યાની ધરપકડ કરવામાં આવી હતી. જોકે જામીન મળ્યા બાદ તે ભાગી ગયો હતો. હત્યાનો પ્રયાસ તથા ખંડણીના ડઝનથી વધુ ગુન્ાા તેના નામ પર છે. આરોપીને ર્કોટ સમક્ષ રજૂ કરવામાં આવતાં તેને ૨૯ ડિસેમ્બર સુધી પોલીસ-કસ્ટડીમાં મોકલવામાં આવ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK