વૉટ્સએપ અને ફેસબૂક પર અશ્લીલ વીડિયો કૉલથી કરવામાં આવે છે બ્લેકમેલ

Published: 21st September, 2020 15:15 IST | Gujarati Mid-Day Online Correspondent | Mumbai

મોબાઇલ પર કોઇક અજાણ્યા નંબર પરથી વૉટ્સએપ કે ફેસબૂક મેસેન્જર પર વીડિયો કૉલ આવે છે.

પ્રતીકાત્મક તસવીર
પ્રતીકાત્મક તસવીર

મેરઠ (Meerut) ઝોનના યૂપી (UP Police) પોલીસ સાઇબર (Cyber Expert) એક્સપર્ટ પાસે અશ્લીલ વીડિયો કૉલ (Video Call Recording) રેકૉર્ડ કરીને બ્લેકમેલિંગ (Blackmail) કરવાનો કેસ સામે આવ્યો છે. એવા બે કેસ બરેલી અને આગરા પોલીસ પાસે પણ આવ્યા છે. મળતી માહિતી પ્રમાણે, મોબાઇલ પર કોઇક અજાણ્યા નંબર પરથી વૉટ્સએપ (Whatsapp) કે ફેસબૂક (Facebook Messenger) મેસેન્જર પર વીડિયો (Video Call) કૉલ આવે છે.

કૉલ રિસીવ કર્યા પછી બીજી તરફથી યુવતી અશ્લીલ હરકતો કરે છે. આ દરમિયાન યુવતી તરફથી કૉલ રેકૉર્ડ કરી લેવામાં આવે છે. પછી આ રેકૉર્ડિંગને સાર્વજનિક કરવાની ધમકી આપીને લોકોને બ્લેકમેલ કરવામાં આવે છે.

માનવામાં આવી રહ્યું છે કે સાઇબર અપરાધીઓ અને બ્લેકમેલ કરનારા ગ્રુપે આ રસ્તો અપનાવ્યો છે. વીડિયો કૉલ બીજી તરફથી આવ્યો હોય, તમે રિસીવ કરી લીધો. તમે કંઇ વાત ન કરી. ભલે તમે અમુક જ સેકેન્ડ્સમાં કૉલ કાપી દીધો હોય. પણ, આટલી રેકૉર્ડિંગ પર એ ગ્રુપ માટે પૂરતી હોય છે. આ કૉલ રેકૉર્ડિંગને સાર્વજનિક કરવાની ધમકી આપીને લોકોને બ્લેકમેલ કરવાનું શરૂ કરી દેવામાં આવે છે. લોકો પોતાની બદનામીના ડરથી પોલીસ પાસે જવાથી અચકાય છે.

યૂપી પોલીસ સાઇબર એક્સપર્ટના કર્મવીર સિંહે જણાવ્યું કે આ રીતે ગ્રુપ એક્ટિવ છે, જે વૉટ્સએપ પર વીડિયો કૉલ કર્યા પછી અશ્લીલ હરકતો કરતાં રેકૉર્ડ કરી લે છે. ત્યાર પછી એ જ રેકૉર્ડિંગના આધારે બ્લેકમેલ કરવામાં આવે છે. એવામાં બચાવ માટે અજાણ્યા નંબર પરથી કૉલ રિસીવ ન કરવા. પીડિતોએ પોલીસને ફરિયાદ કરવી જોઇએ.

સાવચેતીઓ રાખવી

1. અજાણ્યા નંબર પરથી વીડિયો કૉલ રિસીવ ન કરવા.

2. સોશિયલ મીડિયા પ્લેટફૉર્મનો ઉપયોગ કરતા અજાણ્યા લોકોથી દૂર રહેવું.

3. જો કોઇ બ્લેકમેલ કરે છે તો પોલીસને ફરિયાદ કરવી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK