ભાઈસાહેબે ગર્લફ્રેન્ડને ગિફ્ટ આપવા ઊંચી જાતનું ઊંટ ચોર્યું

Published: 20th February, 2021 08:23 IST | Gujarati Mid-day Correspondent | Dubai

જોકે આ ભેટ તેને મોંઘી પડી હતી

પોતાના નિકટના કે અત્યંત ખાસ સ્વજન માટે ભેટની વસ્તુ વિશે વિચારતાં કાંઈક અવનવું આપવાનો ખ્યાલ આવે એ સમજી શકાય, પણ અવનવું આપવાની લાયમાં કોઈને શરમાવા જેવું થાય કે ઉપહાસને પાત્ર ન બનાય એનું ધ્યાન પણ રહી જાય છે.

દુબઈની એક વ્યક્તિએ તેની ગર્લફ્રેન્ડને બેજોડ ભેટ આપવાનો નિર્ણય કરીને ઊંટનું નવજાત બચ્ચું ભેટ આપ્યું. જોકે આ ભેટ તેને મોંઘી પડી હતી. બન્યું હતું એમ કે આ વ્યક્તિએ હકીકતમાં ઊંચા વંશનું ઊંટ તેની ગર્લફ્રેન્ડને ભેટ આપવું હતું, પરંતુ એ શક્ય ન બનતાં તેણે આ વંશના ઊંટનું બચ્ચું તેની ગર્લફ્રેન્ડને ભેટ આપ્યું હતું અને એ પણ ક્યાંકથી ચોરીને. ઊંટ ચોરાયાની ફરિયાદ પછી પોલીસે એને શોધવાના નિષ્ફળ પ્રયાસ કર્યાના થોડા દિવસ બાદ ઊંટ ચોરનાર વ્યક્તિએ જ તેના ખેતરમાં રખડતું ઊંટ જોવા મળ્યાની પોલીસને જાણ કરી હતી. જોકે થોડી પૂછપરછ પછી તેણે પોતાનો ગુનો કબૂલી લેતાં પોલીસે બન્ને લવ-બર્ડ્સની ચોરી કરવા તેમ જ પોલીસને ખોટી માહિતી આપવા બદલ ધરપકડ કરી હતી અને ઊંટનું બચ્ચું એના મલઊ માલિકને પાછું સોંપ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK