ગિનેસ રેકૉર્ડ માટે બરફ પર ઉઘાડા પગે હાફ મૅરથૉન દોડ્યા આ ભાઈ

Published: 7th February, 2021 09:30 IST | Gujarati Midday Correspondent | Washington

ભાઈને ક્રિસ્ટોફર મૅક્ડોગલના પુસ્તક ‘બોર્ન ટુ રન’ પરથી ખુલ્લા પગે દોડવાની પ્રેરણા મળી હતી

જોનાસ ફેલ્ડ સેવલડ્રુડ
જોનાસ ફેલ્ડ સેવલડ્રુડ

યુટ્યુબ વિડિયોમાં ઉઘાડા પગે બરફમાં હાફ મૅરથૉન દોડવાનો વિક્રમી રેકૉર્ડ નોંધાવનારા જોનાસ ફેલ્ડ સેવલડ્રુડે કહ્યું હતું કે ક્રિસ્ટોફર મૅક્‍ડોગલના પુસ્તક ‘બોર્ન ટુ રન’ પરથી મને ખુલ્લા પગે દોડવાની પ્રેરણા મળી હતી. તેના પ્રયાસ બાદ જ તે જાણી શક્યો કે ઉઘાડા પગે બરફ પર દોડવું એટલું મુશ્કેલ નથી જેટલું મનાય છે.

જોનાસ સેવલડ્રુડે ૨૦૦૭માં બે કલાક ૧૬ મિનિટ અને ૩૪ સેકન્ડમાં હાફ મૅરથૉન પૂર્ણ કરનાર ડચ ઍથ્લિટ વિમ હોફ્ટનો રેકૉર્ડ તોડવાનો નિર્ણય કર્યો હતો. ઉઘાડા પગમાં બરફને કારણે થયેલી ઈજાને લીધે તેણે પ્રથમ પ્રયાસ અધવચ્ચે છોડી દેવો પડ્યો હતો. જોકે થોડાં અઠવાડિયાં પછી તેણે ફરી પ્રયાસ કર્યો અને વધુ સફળતા મેળવી હતી. અંતે તેણે એક કલાક અને ૫૦ મિનિટમાં હાફ મૅરથૉન પૂર્ણ કરી હતી. હવે પોતાનો પ્રયાસ સફળ થયો હોવા બાબતે ગિનેસ વર્લ્ડ રેકૉર્ડ્સના સમર્થનની તે રાહ જોઈ રહ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK