પતિએ જ પત્નીના પ્રેમીને પતાવી દીધો
ADVERTISEMENT
ગુનામાં સાથ આપવા વાઇફે બૉયફ્રેન્ડને ફોન કરીને ઘરની ટેરેસ પર બોલાવ્યો
પરિણીત હોવા છતાં શ્રુતિ અને ૨૨ વર્ષના નાવેદ શેખનું છેલ્લાં બે વર્ષથી પ્રેમપ્રકરણ ચાલતું હતું. નાવેદના ફ્રેન્ડ ૩૩ વર્ષના નઇમ ખાનની દુકાન સાંતાક્રુઝ સ્ટેશન પાસે આવેલા રિદ્ધિસિદ્ધિ બિલ્ડિંગમાં શ્રુતિના પિતાના ઘરની નીચે જ હતી અને અહીં જ નાવેદ અને શ્રુતિની મુલાકાત થઈ હતી. શ્રુતિ જ્યારે તેના પિતાના ઘરે આવતી હતી ત્યારે તેઓ બિલ્ડિંગની છત પર મળતાં હતાં.
જાવેદ એક વાર તેના ઘરમાં જ શ્રુતિ અને નાવેદને કઢંગી હાલતમાં જોઈ જતાં તેણે તેની પત્ની સાથે ઝઘડો કર્યો હતો અને પછી ફોન કરીને નાવેદને ટેરેસ પર બોલાવવાનું દબાણ કર્યું હતું. શ્રુતિનો ફોન મળતાં નાવેદ ટેરેસ પર આવ્યો ત્યારે બપોરે લગભગ સાડાત્રણે જાવેદે તેના પર ચૉપરથી હુમલો કર્યો હતો અને વારંવાર ઘા મારીને તેનો જીવ લઈ લીધો હતો. આ હુમલો એટલો ઘાતકી હતો કે ચૉપરના પણ બે કટકા થઈ ગયા હતા.