જીવનથી કંટાળીને હતાશ માણસ રેલવે ટ્રૅક પર સૂઈ ગયો હતો

Published: 23rd December, 2020 08:48 IST | Gujarati Mid-day Correspondent | Mumbai

મોટરમૅનની સતર્કતાથી જીવ બચ્યો

ટ્રૅક પર આત્મહત્યા કરવા સૂઈ ગયેલા માણસને ઉગારી લેવાયો હતો
ટ્રૅક પર આત્મહત્યા કરવા સૂઈ ગયેલા માણસને ઉગારી લેવાયો હતો

સેન્ટ્રલ રેલવેના એક મોટરમૅનની સતર્કતાથી આત્મહત્યા કરવા જઈ રહેલા માણસનો જીવ બચી ગયો હોવાની ઘટના સેન્ટ્રલ રેલવેના અંબરનાથ રેલવે સ્ટેશન પાસે બની હતી. આ ઘટના અનેક લોકોએ તેમના મોબાઇલમાં કેદ કરી હતી અને થોડી જ ક્ષણોમાં ત્યાં ધમાલ મચી ગઈ હતી. જોકે મોટરમૅનની આ સતર્કતાની પ્રશંસા પણ ખૂબ થઈ હતી.

બનાવની મળેલી માહિતી મુજબ બદલાપુરથી મુંબઈના દિશાએ લોકલ ટ્રેન જઈ રહી હતી. એ વખતે અંબરનાથ રેલવે સ્ટેશન પાસે આવતી વખતે ટ્રેનની સામે અને ટ્રૅક પર એક માણસ આત્મહત્યા કરવા માટે અમુક ક્ષણ પહેલાં જ ત્યાં જઈને સૂઈ ગયો હતો. જોકે ટ્રેન ચલાવતા મોટરમૅનનું આ વિશે તરત જ ધ્યાન ગયું હતું. મોટરમૅને સાવધાની દેખાડી ટ્રૅક પર સૂતેલા માણસની આશરે એક ફુટની દૂરી પર લોકલ ઊભી રાખી હતી. આમ એ માણસના મૃત્યુ પર મોટરમૅને બ્રેક લગાડી હતી. આ વ્યક્તિએ આત્મહત્યા કરવાનો પ્રયાસ કર્યો હોવાથી રેલવે પોલીસે તેને તાબામાં લીધી હતો.

આ પહેલાં પણ આવો પ્રયાસ થયેલો

આશરે દસ મહિના પહેલાં પ્રેમી અને પ્રેમિકાએ અંબરનાથ રેલવે સ્ટેશન પાસે ટ્રેન સામે કૂદકો મારીને આત્મહત્યા કરવાનો પ્રયાસ કર્યો હોવાની ઘટના બની હતી. એ વિશે કલ્યાણ રેલવે પોલીસ ઍક્સિડન્ટલ કેસ નોંધીને તપાસ હાથ કરી રહી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK