વિજય માલ્યાએ તિરુપતિમાં ૧ કરોડનું સોનું ચડાવ્યું

Published: 19th December, 2012 02:58 IST

ભારે નાણાભીડનો સામનો કરી રહેલી કિંગફિશર ઍરલાઇન્સના પ્રમોટર વિજય માલ્યાએ સોમવારે તેમના જન્મદિવસે આંધ્ર પ્રદેશના તિરુપતિના વિખ્યાત ભગવાન વેન્કટેશ્વર મંદિરમાં આશરે એક કરોડ રૂપિયાના મૂલ્યનું ત્રણ કિલોગ્રામ સોનું ચઢાવ્યું હતું. ૫૮મા જન્મદિવસે વિજય માલ્યા તેમના પરિવારના સભ્યો સોમવારે સાંજે તિરુપતિ આવી પહોંચ્યા હતા.


તિરુમાલા તિરુપતિ દેવસ્થાનમના ડેપ્યુટી એક્ઝિક્યુટિવ ઑફિસર સી. રમન્નાએ કહ્યું હતું કે મંદિરમાં પૂજા કર્યા બાદ વિજય માલ્યાએ સોનું ચઢાવ્યું હતું.

અગાઉ ગયા ઑગસ્ટ મહિનામાં માલ્યાએ કર્ણાટકના દક્ષિણ કન્નડ જિલ્લામાં આવેલા કુક્કે સુબ્રમણ્યમ મંદિરને ૮૦ લાખ રૂપિયાની કિંમતનો ગોલ્ડ-પ્લેટેડ દરવાજો દાનમાં આપ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK