મોદીના સ્વચ્છતા અભિયાનમાં મલાડની સોસાયટી પણ જોડાઈ

Published: 3rd October, 2014 06:33 IST

મલાડ-ઈસ્ટમાં દફતરી રોડ પર શિવાજી ચોક વિસ્તારમાં આવેલી સત્યમ કૉ-ઑપરેટિવ હાઉસિંગ સોસાયટીના બન્ને વિન્ગના સભ્યોએ ગઈ કાલે બીજી ઑક્ટોબરે ગાંધીજયંતી નિમિત્તે સવારે ૧૦થી બપોરે ૧ વાગ્યા સુધી સ્વચ્છતા અભિયાનનું આયોજન કર્યું હતું


આ અભિયાન હેઠળ પૂરા શિવાજી ચોકમાં સફાઈ કરી સંપૂર્ણ વિસ્તારને સ્વચ્છ અને સુંદર બનાવ્યો હતો. આ અભિયાનમાં સોસાયટીના અમુક સભ્યોએ ૩૫ ઝાડુ, ૧૦૦ હૅન્ડ-ગ્લવ્સ અને નાસ્તાનું પણ આયોજન કર્યું હતું.
આ વિશે વધુ માહિતી આપતાં સોસાયટીના સેક્રેટરી જિજ્ઞેશ શાહે મિડ-ડે LOCALને કહ્યું હતું કે ‘અમારા પૂરા વિસ્તારને ક્લીન રાખવા અને અન્ય સોસાયટીના રહેવાસીઓમાં સ્વચ્છતા વિશે જાગૃતિ લાવવા અમારી સોસાયટી દ્વારા પહેલી વાર સ્વચ્છતા અભિયાનનું આયોજન કરવામાં આવ્યું હતું. આ અભિયાનમાં વડીલો, બાળકો સહિત યંગસ્ટર્સે મોટી સંખ્યામાં હાજર રહી ઉત્સાહથી ભાગ લીધો હતો અને ગમેતેમ કચરો ફેંકવો નહીં એ માટે લોકોને માર્ગદર્શન પણ આપ્યું હતું. રસ્તાઓ અને અન્ય સોસાયટીની આજુબાજુનો વિસ્તાર સ્વચ્છ કરી ભેગો થયેલો કચરો સોસાયટીની ડસ્ટબિનમાં નાખવામાં આવ્યો હતો અને આ સાથે કચરો કચરાપેટીમાં જ નાખવો એ સંદેશ પણ આપવામાં આવ્યો હતો.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK