મહારાષ્ટ્રમાં થશે કર્ણાટક વાળી? શિવસેનાએ MLAને હોટેલમાં શિફ્ટ કર્યા...
ઉદ્ધવ ઠાકરે અને નરેન્દ્ર મોદી
ભાજપ અને શિવસેના વચ્ચે મુખ્યમંત્રી પદને લઈને ચાલી રહેલી ખેંચતાણનો કોઈ અંત નથી દેખાઈ રહ્યો. માતોશ્રીમાં શિવસેનાની એક બેઠક થઈ જે બાદ ધારાસભ્યોને ફાઈવ સ્ટાર હોટેલમાં શિફ્ટ કરી દેવામાં આવ્યા છે. આ ઘટનાક્રમ કર્ણાટકના નાટકની યાદ અપાવે છે. શિવસેનાના ધારાસભ્ય ગુલાબરાવ પાટિલે જણાવ્યું કે તેઓ બે દિવસ હોટેલમાં જ રહેશે અને એવું જ કરશે જેમ ઉદ્ધવ ઠાકરે કહેશે. પાટિલના આ નિવેદનથી સ્પષ્ટ થયું છે કે અહીં પણ જોડતોડની રાજનીતિ જોવા મળી શકે છે.
Gulabrao Patil, Shiv Sena MLA after meeting party chief Uddhav Thackeray at Matoshree: We (Shiv Sena MLAs) will be staying at Hotel Rangsharda for next 2 days. We will do whatever Uddhav Sahab asks us to do. pic.twitter.com/LICnhfOozC
— ANI (@ANI) November 7, 2019
ADVERTISEMENT
ભાજપના નેતાઓએ કરી રાજ્યપાલ સાથે મુલાકાત
સત્તાની ખેંચતાણ વચ્ચે ચંદ્રકાંત પાટિલના નેતૃત્વમાં ભાજપના નેતાઓના એક પ્રતિનિધિમંડળે મહારાષ્ટ્રના રાજ્યપાલ ભગત સિંહ કોશ્યારી સાથે મુલાકાત કરી. જેમાં ગિરીશ મહાજન, સુધીર મુનગંટીવાર અને આશીષ શેલાર પણ હતા. બેઠક બાદ ચંદ્રકાંત પાટિલે કહ્યું કે મહારાષ્ટ્રના લોકોએ ભાજપ શિવસેનાના ગઠબંધનને જનાદેશ આપ્યો છે. સરકાર બનાવવામાં સમય લાગી રહ્યો છે. આજે અમે રાજ્યમાં કાયદાકીય વિકલ્પો અને રાજનૈતિક સ્થિતિ પર ચર્ચા કરવા માટે રાજ્યપાલને મળ્યા. બાદમાં શું કરવું તેનો નિર્ણય લેવામાં આવશે.
શિવસેના કાઢશે રોન?
આ તમામ વચ્ચે શિવસેના તરફથી એવું પણ નિવેદન આવ્યું છે કે, તેમની પાસે પોતાના મુખ્યમંત્રી બનાવવા માટે પર્યાપ્ત સંખ્યા બળ છે. ધારાસભ્યોની બેઠક બાદ સંજય રાઉતે કહ્યું કે, અમારી પાસે અમારો મુખ્યમંત્રી બનાવવા માટે જરૂરી સંખ્યા બળ છે. અમારે તેને અહીં બતાવવાની જરૂર નથી. જરૂર પડશે તો અમે સદનમાં સાબિત કરીશું. અમારી પાસે વિકલ્પો છે, અમે વિકલ્પ વગર કાંઈ નથી બોલતા.
Sanjay Raut, Shiv Sena: We have the numbers to make our own Chief Minister, we don't need to show that here, we will show that on the floor of the house. We have alternatives, we don't speak without options and alternatives. #Maharashtra pic.twitter.com/IPqf3BiCex
— ANI (@ANI) November 7, 2019
આ પણ જુઓઃ સંગીતમય રહી છે Priya Saraiyaના જીવનની સફર, મહેનતથી બનાવી છે પોતાની ખાસ ઓળખ...