ઓછા વોટિંગથી સલમાન ખાન ગુસ્સે ભરાયો

Published: Oct 16, 2014, 03:40 IST

મહારાષ્ટ્રમાં બપોરે એક વાગ્યા સુધી સરેરાશ ૩૦ ટકા જેટલું તો મુંબઈમાં ફક્ત ૨૧ ટકા જેટલું મતદાન થયું હતું.



મતદાન માટે મુંબઈ સાથે મહારાષ્ટ્રના કેટલાય ભાગોમાંથી સામાન્ય નાગરિકો ઘરની બહાર નીકળ્યા ન હતા. મુંબઈમાં ઍક્ટરો અને કલાકારોએ સવારથી મતદાન-કેન્દ્રો પર ઉપસ્થિત રહી લોકોને આહ્વાન કર્યું હતું. સેલિબ્રિટીના આહ્વાન સામે મતદારોએ લક્ષ આપ્યું નહોતું અને આ કારણે જ દબંગ સલમાન ખાન રોષે ભરાયો હતો.

જે લોકો મતદાન કરવા બહાર નહોતા પડ્યા તેમના પ્રત્યે સલમાને રોષ ઠાલવતાં કહ્યું હતું કે ‘વધુમાં વધુ મતદાન થાય એ માટે મતદાનના દિવસે સરકાર સાર્વજનિક રજા જાહેર કરે છે પણ મતદાન માટે મળેલી રજામાં લોકો ઘરે બેસી મોજમજા કરે છે અને કેટલાક લોકો તો પિકનિક પર નીકળી જાય છે. આ લોકો જ રાજકારણના નામે પછી બૂમો પાડશે અને ટીકાઓ કરતા ફરશે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK