કોરોનાનો ડર : પતિએ પત્નીને બાથરૂમમાં પૂરી દીધી!
પ્રતીકાત્મક તસવીર
ચીનના કોરોના વાઇરસે સમગ્ર દુનિયાની ઊંઘ ઉડાડી દીધી છે. આ જીવલેણ વાઇરસના કારણે લોકોમાં એવો જબરો ડર બેસી ગયો છે કે વાત ન પૂછો. થોડા દિવસ પહેલાં કોરોના વાઇરસના કારણે બ્રિટનમાં ચીની મહિલા પર વંશીય હુમલો થયો હતો. ત્યારે આજે ફરી યુરોપમાં આવો જ એક વિચિત્ર કિસ્સો સામે આવ્યો છે જેમાં એક વ્યક્તિને કોરોના વાઇરસથી ચેપ લાગશે એવા ડરના કારણે પોતાની પત્નીને બાથરૂમમાં પૂરી દીધી.
પતિને લાગ્યું કે પત્ની એક ચીની મહિલાને મળીને આવી હતી તેથી તેને પણ કોરોના વાઇરસનો ચેપ લાગ્યો છે. એટલા માટે ડરના કારણે આ શખસે તેની પત્નીને બાથરૂમમાં લૉક કરી દીધી હતી. મહિલાએ ત્યાર પછી પોલીસને કૉલ કર્યો હતો. થોડીક મિનિટો પછી પોલીસ અપાર્ટમેન્ટમાં આવીને મહિલાને છોડાવી ગઈ હતી. પતિએ દાવો કર્યો હતો કે તેણે ડોક્ટરો સાથે ચર્ચા કર્યા પછી પત્નીને બાથરૂમમાં બંધ કરવાનો નિર્ણય કર્યો હતો.
ADVERTISEMENT
એક રિપોર્ટ અનુસાર પત્નીને કોરોના વાઇરસથી બચવા માટે પતિએ જે કારનામો કર્યો છે એ મામલો યુરોપનાં લીથુઆનિયાના લિવનિઅસ શહેરનો છે. આ ઘટના પછી ડૉક્ટરી તપાસમાં એ સ્પષ્ટ થયું કે મહિલા કોરોનાવાઇરસથી ચેપગ્રસ્ત નથી.
