આજથી ગીરમાં સિંહ-દર્શન શરૂ

Published: 16th October, 2012 04:58 IST

૧૫ જુલાઈથી મૅટિંગ માટે બંધ કરવામાં આવેલાં સિંહ-દર્શન ચાર મહિના પછી એટલે કે આજથી ગુજરાત સરકાર દ્વારા ઑફિશ્યલી ખુલ્લાં મૂકવામાં આવી રહ્યાં છે.

ગુજરાત સરકારના ફૉરેસ્ટ ડિપાર્ટમેન્ટના પ્રધાન મંગુભાઈ પટેલે કહ્યું હતું કે ‘આ સીઝન પાછલાં બે વર્ષથી વધુ સારી ગઈ હોવાના પુરાવાઓ મળ્યાં છે. કુલ ૪૮ સિંહણ પ્રેગ્નન્ટ હતી, જેણે એકથી ત્રણ બચ્ચાંઓનો જન્મ આપ્યો છે. સિંહમાં બાળમરણનું પ્રમાણ થોડું વધુ છે અને એ પછી પણ એવી ધારણા સરળતાથી મૂકી શકાય કે ૫૦ જેટલાં બચ્ચાંઓ અત્યારે નવાં ઉમેરાયાં છે.’

૨૦૦૯માં જ્યારે સિંહની વસ્તીગણતરી થઈ હતી ત્યારે ગીરમાં કુલ ૪૧૮ સિંહો હતા. એ પછી છેલ્લી ત્રણ સીઝન દરમ્યાન ગીરમાં અંદાજે નવા ૧૫૦ જેટલા સિંહો ઉમેરાયા છે, જ્યારે ૩ વર્ષમાં ૪૦ જેટલાં સિંહ-સિંહણનાં અપમૃત્યુ થયાં છે.

આ હિસાબે અત્યારે ગીરમાં સિંહની સંખ્યા અંદાજે ૫૨૮થી ૫૩૦ જેટલી હોવાની ધારણા મૂકવામાં આવે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK